Այսօր՝ 18 դեկտեմբերի 2017թ., Yandex.Metrika
1USD = 482.36AMD
1EUR = 568.99AMD
1RUB = 8.19AMD
Գլխագրեր
Հանրապետությունում սպասվում են տեղումներ Անահիտ Բախշյանն ահազանգում է․ «Հանկարծ չստորագրեք էլցանցի նոր պայմանագրերը» ՔԱԳՎ-ն Ամանորի տոներին մի շարք ավիաընկերությունների ոչ կանոնավոր չվերթներ իրականացնելու թույտվություն է տրամադրել․ ցանկ Գերմանացի փորձագետները Kinder-ում քաղցկեղածին տարրերի վտանգավոր քանակ են հայտնաբերել. hetq.am Ադրբեջանի պատմության դասագրքերում Թբիլիսին ադրբեջանական քաղաք է համարվում - տեսանյութ
 
50-ամյա կինը ձերբակալվել է ամուսնուն սպանելու փորձի կասկածանքով Կանադացի միլիարդատիրոջը կնոջ հետ նկուղում մահացած են հայտնաբերել ԱԺ փոխնախագահի գլխավորած պատվիրակությունն այցելել է Ռիգայի Սուրբ Գրիգոր Լուսավորիչ եկեղեցի Թուրքիայի նախկին վարչապետի որդուն մահացած են գտել ՊՍԺ-ն կհեռացնի Էմերիին, եթե թիմը չհաղթահարի Ռեալի արգելքը Թմրամիջոցների ապօրինի շրջանառության մեջ կասկածվող 53-ամյա տղամարդը բերման է ենթարկվել Քառօրյա պատերազմում վիրավորված 13-ամյա տղայի ոտքի մետաղե կոնստրուկցիան կհեռացնեն հաջորդ տարվա ապրիլին Հանրապետությունում սպասվում են տեղումներ Դիվանագետներն այցելել են ռազմական համալսարան Պլանային ջրանջատում Երևանի Կենտրոն և Էրեբունի վարչական շրջաններում դեկտեմբերի 19 և 20-ին Նոր մատուռի օրհնության կարգ` Արաբկիր վարչական շրջանում Անահիտ Բախշյանն ահազանգում է․ «Հանկարծ չստորագրեք էլցանցի նոր պայմանագրերը» Եգիպտոսը 4 օրով բացել է Գազայի հատվածի սահմանին միակ հսկիչ անցակետը Շվեյցարիայի նախագահը հանդես է եկել այս պաշտոնում երկամյա մանդատի օգտին Հայաստանը ներկայացնող ֆիլմը չի ընդգրկվել «Օսկար»-ի հավակնորդների ցանկում «Բարձրագույն կրթության մասին» ՀՀ օրենքի նախագիծը քննարկվել է Հանրային խորհրդում ՔԱԳՎ-ն Ամանորի տոներին մի շարք ավիաընկերությունների ոչ կանոնավոր չվերթներ իրականացնելու թույտվություն է տրամադրել․ ցանկ Նոր մանրամասներ բենզալցակայանում տեղի ունեցած կրակոցների դեպքից Թիվ 44 երթուղու ավտոբուսում կատարված գողությունը բացահայտվել է «Ժամանակն է, որ Լատվիան ճանաչի ու դատապարտի Հայոց ցեղասպանությունը». Էդուարդ Շարմազանով ՌԴ գլխավոր շտաբի ղեկավարը բանակցություններ է վարել իր թուրք գործընկերոջ հետ Գյումրիում 27-ամյա երիտասարդը ինքնասպանություն է գործել Գերմանացի փորձագետները Kinder-ում քաղցկեղածին տարրերի վտանգավոր քանակ են հայտնաբերել. hetq.am Ֆեյսբուքն ընդունել է, որ սոցցանցը վնասակար է «Գարդասիլ-4» անունը կրող պատվաստանյութը ձեռք է բերվել խարդախ ճանապարհով. «Երկիր Ծիրանի» Թուրքիայում սպանված ռուս դեսպանի գործով կա նոր կալանավորված Մեծացնելով 6-ին և սպասելով` 2-ին Օլիմպիական և պարալիմպիկ խաղերի նոր լոգոտիպը Ադրբեջանի պատմության դասագրքերում Թբիլիսին ադրբեջանական քաղաք է համարվում - տեսանյութ «Լիվերպուլը» պատրաստ է վաճառել Կոուտինյոյի տրանսֆերը «Բարսելոնային» Թրամփը վիզաների խաղարկային ծրագրով ԱՄՆ մեկնողներին համեմատել է աղբի հետ Երևանում թալանել են Ազգային ժողովի պատգամավոր Սերգեյ Բագրատյանի Porsche Cayenne-ը Լևոն Ալթունյանն Արցախում այցելել է դիրքապահ զորամաս Ոստիկանությունը խորհուրդ է տալիս ավելի վաղ կարգի բերել փաստաթղթերը Զավեն Անդրիասյանը 14-րդն է կայծակնային շախմատի Եվրոպայի առաջնությունում Երևանում կինը վիճաբանության ժամանակ խոհանոցային դանակով հարվածել է ամուսնուն Բակո Սահակյանը հանդիպել է «Բարգավաճ Հայաստան» կուսակցության նախագահ Գագիկ Ծառուկյանի հետ Նախագահ Սերժ Սարգսյանը ստորագրել է Ազգային ժողովի ընդունած ՀՀ օրենքները Կրոնի հարցերով գործակալությունը կարող է լուծարվել Անկարան պատրաստ չէ կարգավորել հայ-թուրքական հարաբերությունները․ ՀՀ ԱԳՆ

Նախագահը բարերար Էդուարդո Էռնեկյանին հանձնել է Հայրենիքի շքանշան

 

Նախագահի նստավայրում այսօր տեղի է ունեցել արգենտինահայ բարերար Էդուարդո Էռնեկյանին «Հայաստանի ազգային հերոս» բարձրագույն կոչում շնորհելու հանդիսավոր արարողությունը, որի ընթացքում Հանրապետության Նախագահը՝ համազգային նշանակություն ունեցող բացառիկ ծառայությունների, Հայաստանի շենացմանն ու բարգավաճմանն ուղղված ազգանվեր գործունեության համար մեծանուն բարերարին հանձնել է Հայրենիքի շքանշանը:

Մինչ արարողությունը Սերժ Սարգսյանն ընդունել է Էդուարդո Էռնեկյանին և նրա հետ քննարկել Հայաստանում նոր ներդրումային ծրագրերի իրականացման հետ կապված հարցեր: Մեծանուն բարերարը պատրաստակամություն է հայտնել այդ ուղղությամբ հայրենիքում շարունակել իր գործունեությունը: Պայմանավորվածություն է ձեռք բերվել Հայաստանի տնտեսության համար առաջնահերթ նշանակություն ունեցող հեռանկարային մի շարք ոլորտներում ներդրումային ծրագրերի նախագծերը մշակելուց հետո ներկայացնել կառավարություն:

Հանրապետության Նախագահը Հայաստանի բարձրագույն կոչումը շնորհելու արարողության ժամանակ իր շնորհավորական խոսքում անդրադարձել է մեծանուն բարերարի անցած ուղուն և հայրենանվեր ձեռնարկումներին, բարձր գնահատել նրա գործունեությունը և վստահություն հայտնել, որ Էդուարդո Էռնեկյանը նույն եռանդով շարունակելու է իրականացնել այդ շնորհակալ աշխատանքը:

«Պարոն Էդուարդո Էռնեկյանին հատուկ ներկայացնելու կարիք չկա: Ոչ միայն Արգենտինայում, այլև աշխարհի տարբեր մայրցամաքներում պարոն Էռնեկյանը մեծ համբավ է վայելում` շնորհիվ այն լայնածավալ աշխատանքի, որ իրականացվում է նրա առաջնորդությամբ և ղեկավարությամբ: Դրանում անձամբ համոզվելու հնարավորություն ունեցա ոչ միայն Լատինական Ամերիկայում իմ պաշտոնական շրջագայությունների ժամանակ, այլ նաև եվրոպական մայրցամաքում տարբեր գործարարների և պաշտոնյաների հետ իմ հանդիպումների ընթացքում:

Պարոն Էռնեկյանը, սակայն, իր գործունեությունը դրանով բնավ չսահմանափակեց և որպես իսկական ու նվիրյալ հայ հաստատվեց նաև մայր Հայաստանում և ընդարձակ գործունեություն ծավալեց այստեղ: Առանձնահատուկ պետք է նշեմ, բայց հպանցիկ, որ մեծատաղանդ գործարարը նաև բարեհամբույր բարերար է, և չնայած այն հանգամանքին, որ նա չի խոսում իր կատարած բարեգործությունների մասին, թեև դա հենց այդպես էլ պետք է լինի, այնուհանդերձ, մենք գիտենք դրանց ծավալները, չափերը, գիտենք, որ դրանք կրում են շարունակական բնույթ:

Էդուարդո Էռնեկյանը եկավ Հայաստան և իր հետ բերեց գործարար նոր մշակույթ, որ համապատասխանում է համաշխարհային ամենաբարձր չափանիշներին: Կարող եմ խոստովանել, որ Հայաստան այցելած տարբեր պետական պաշտոնյաներ, միջազգային կառույցների ներկայացուցիչներ մշտապես դրական են արտահայտվում մեր օդանավակայանում իրականացվող ծառայությունների մասին: Շատ կարևոր է, որ մենք դրական արձագանքներ ունենք մեր քաղաքացիներից և ընդհանրապես Հայաստան այցելող յուրաքանչյուր մարդուց: Այն, որ մենք ունենք զբոսաշրջության աճ, կարծում եմ, այստեղ նաև նպաստող հանգամանք է «Զվարթնոց» օդանավակայանի լավ աշխատանքը: Բայց պարոն Էռնեկյանի գործունեությունը Հայաստանում միայն օդանավակայանով չսահմանափակվեց, և օդանավակայանում կատարած հսկայական աշխատանքին լրացնելու են գալիս տարբեր բրենդներ, տարբեր մեծածավալ աշխատանքներ՝ «Կոնվերս բանկը», «Հայփոստը», «Կարասը», այն հսկայական այգին, որ հիշեցնում է եվրոպական ամենաբարձր չափանիշներով մշակված մեծ հողակտոր:

Իհարկե, այս ցուցակն ամբողջական չէ, և պարոն Էռնեկյանի հետ ունեցած իմ հաճախակի զրույցներից գիտեմ, այսօր ևս այդ թեմայով խոսեցինք՝ նոր ներդրումների մասին, և ես պետության անունից, մեր կառավարության անունից այժմ հավաստիացնում եմ, պարո՛ն Էռնեկյան, որ մենք մշտապես պատրաստ ենք Ձեզ հետ քննարկելու ցանկացած ներդրումային ծրագիր, որովհետև գիտենք, որ Դուք միջավայրի կարիք առանձնապես չունեք, և շատ երկրներում ուրախ կլինեն Ձեզ լսելու, Ձեր ներդրումներից օգտվելու: Այնպես որ՝ մենք շատ լավ հասկանում և գիտակցում ենք, որ դա զուտ բիզնես չէ, սակայն զուգահեռաբար այն նաև բիզնես պետք է լինի, որպեսզի օրինակ լինի ուրիշների համար:

Պարո՛ն Էռնեկյան,

Սիրելի՛ հայրենակիցներ,

Էդուարդո Էռնեկյանին «Հայաստանի ազգային հերոս» բարձրագույն կոչումը շնորհելու մեջ ես շատ մեծ խորհուրդ եմ տեսնում: Այո՛, մենք համոզված ենք, որ Հայաստանը շենացնելը հերոսություն է: Այո՛, սփյուռքի ձեռնարկատերերի և Հայաստանի պետության միջև կարող են հաստատվել փոխշահավետ հարաբերություններ, և այս գործընկերային հարաբերությունը պարոն Էռնեկյանի հետ ուղղակի այդ օրինակներից մեկն է: Ես համոզված եմ, որ պարոն Էռնեկյանի հետ միասին ստեղծել ենք լավագույն հնարավոր համագործակցությունը, և այն իսկապես պետք է օրինակ դառնա սփյուռքի մեր բազմաթիվ հայրենակիցների համար:

Երիտասարդ զինծառայողների հետ հանդիպումներից մեկի ժամանակ ես ասել եմ, որ իսկական հրամանատարն այն հրամանատարը չէ, որ ասում է՝ առա՛ջ. իսկական հրամանատարն այն հրամանատարն է, որ ասում է՝ առա՛ջ իմ ետևից: Հիմա պարոն Էռնեկյանը ոչ թե կոչ է անում ուրիշներին, որ պետք է Հայաստանում ներդրումներ, բարեգործություններ կատարել, այլ ուղղակի անձնական օրինակով ցույց է տալիս, թե դա ինչպես է պետք անել: Ես մեծ համոզվածություն ունեմ, որ պարոն Էռնեկյանը՝ որպես առաջամարտիկ, դեռևս շատ երկար ժամանակ շարունակելու է նույն եռանդով իրականացնել այդ շնորհակալ գործունեությունը:

Սրտանց շնորհավորում եմ Ձեզ, պարո՛ն Էռնեկյան, Հայաստանի Հանրապետության հերոսի կոչմանն արժանանալու համար: Ես կարծում եմ, որ այս իրադարձությունը Հայաստանի և մեր ժողովրդի համար էլ է շատ կարևոր իրադարձություն: Վստահ եմ, որ նաև անձնապես Ձեզ համար է կարևոր իրադարձություն, որովհետև ճանաչման ավելի մեծ չափանիշ չկա, քան պետության բարձրագույն կոչումը: Ես համոզված եմ, որ հայ ժողովրդի ապագան փայլուն է, որովհետև մեր ժողովուրդն ունի բազմաթիվ տաղանդավոր զավակներ:

Ուրեմն փա՛ռք մեր ժողովրդին և փա՛ռք մեր հերոսներին»,- ասել է Հանրապետության Նախագահը: