Այսօր՝ 2018-11-19

«Լուսավոր Հայաստանը» հրապարակել է իր համամասնական ցուցակը Ինչ եղանակ է սպասվում առաջիկա օրերին Առաքելական եկեղեցին չի կարող ողջունել եկեղեցու պառակտմանն ուղղված քայլերը. Գարեգին Բ–ն մեկնաբանել է Ուկրաինայի ուղղափառ եկեղեցու շուրջ իրավիճակը Անօթեւանի համար 400 հազար դոլար հավաքողները եւ անօթեւանն ինքը խարդախներ էին Միջազգային կազմակերպություններն արձանագրում են Հայաստանի առաջընթացը «Ինչո՞ւ են «Սասնա ծռերին» ոմանք անվանում ծայրահեղական». Արա Պապյան Շիրակի պետհամալսարանում շարունակվում է բեսպրեդելը. Գագիկ Համբարյան Լավրովը հայտնել է Ռուսաստանի դեմ նոր պլացդարմ ստեղծելու Արեւմուտքի փորձերի մասին Դաշտավան գյուղում վագոն-տնակն ամբողջությամբ այրվել է Թրամփն ուսումնասիրում է Գյուլենին Թուրքիային արտահանձնելու տարբերակները Բացահայտվել է Աստղաձորում կատարված դանակահարությունը. խուզարկությամբ հայտնաբերվել է կանեփանման չորացված զանգված Վրաստանի նախագահի անկախ թեկնածուն վերջին երկու շաբաթում 1 մլն 800 հազար լարի նվիրատվություն է ստացել Խոշոր ավտովթար «Մելիցա» ռեստորանի մոտ. կան վիրավորներ Չպետք է տարանջատել ժողովրդի անվտանգության և տարածքների ամբողջականության հարցը. Դավիթ Բաբայանը` ԱՀ-ՀՀ հնարավոր ռազմաքաղաքական դաշինքի մասին «Մենք» դաշինքը հրապարակել է իր տարբերանշանը Երևանում դեղատան վրա ավազակային հարձակում գործած անձը կալանավորվել է Ստամբուլի օդանավակայանում ահաբեկչություն իրականացրած 6 անձ դատապարտվել է 46 տարվա ազատազրկման «Վեց ամսվա վարչապետության ընթացքում ամենաարդարացի բողոքներից մեկը, որ լսել եմ…». Նիկոլ Փաշինյան Սթափվե՛ք. Բրյուսովի անվան համալսարանի դասախոսներն ուղերձով դիմել են ուսանողուհիներին Երևանի քաղաքապետարանը լայնածավալ ստուգումներ կիրականացնի կենդանաբանական այգում
Նիկոլ Փաշինյանն առաջադրվեց վարչապետի թեկնածու Պուտիննն անձամբ հրահանգել է, որ ՀՀ-ում բնակչության համար գազի գինը լինի տրամաբանական. Փաշինյան Բժիշկը չի ասել, որ երեխայի քիթը կոտրված է, միայն հակաբորբոքայիններ է նշանակել և տուն ուղարկել Ադրբեջանին վստահել չարժե, բայց փորձել բանակցել անհրաժեշտ է. Տիգրան Աբրահամյան Արատակարգ դեպք Թուրքիայում, զինվորը պատանդ է վերցրել մարդկանց (տեսանյութ) Բակո Սահակյանը շնորհավորական ուղերձ է հղել Արամ Առաջին Մեծի Տանն Կիլիկիո Կաթողիկոսին Անցած շաբաթ հակառակորդը հրադադարի ռեժիմը խախտել է 80 անգամ. հայ դիրքապահների ուղղությամբ արձակվել է շուրջ 500 կրակոց Կոտրել է վճարահաշվարկային տերմինալի սենսորային ապակին և մոնիտորը (տեսանյութ) Հետաքրքիր կլինի նոյեմբեր-դեկտեմբեր ամիսներին լսել բոլոր կուսակցությունների դիրքորոշումը արցախյան խնդրի վերաբերյալ. Թևան Պողոսյան ԳՆ-ն հորդորում է երկու օրերի ընթացքում ավարտել բերքահավաքը Հեղափոխությունը պետք է հասցնենք իր հանգրվանին. վարչապետ- տեսանյութ Ղարաբաղի հարցի թաքուն լուծում լինել չի կարող. Փաշինյան 0-ից մինչև 23 տարեկանների շրջանում առաջին տիպի դիաբետի տարեկան 9-10 % աճ է նկատվում. «Հաղթենք դիաբետը միասին» հիմնադրամի ղեկավար Դավթաշենի կամրջի տակ հայտնաբերվել է Սեյրան Օհանյանի կնոջ՝ Ռուզաննա Խաչատրյանի քրոջ դին Բակո Սահակյանը հրամանագիր է ստորագրել Բանկի տարադրամի փոխանակման կետից հափշտակվել է խոշոր չափի գումար - տեսանյութ Շարունակվում է ԱԺ քառօրյան. օրակարգում է վարչապետի ընտրության հարցը․ Ուղիղ Խոշոր հրդեհներ Ստամբուլում (տեսանյութ) Ավտոտնակից անվադողեր է գողացել` պատճառելով 100.000 դրամի գույքային վնաս. հարուցվել է քրեական գործ (տեսանյութ) 7 օր առաջնագծում. ի՞նչ է կատարվել արցախա-ադրբեջանական սահմանին
2018-03-27 11:45:06 2018-02-17 11:45:51 2017-10-20 12:23:59 2018-03-16 10:48:17 2018-04-05 11:06:24 2017-09-02 12:20:34 2018-06-02 10:48:52 2018-03-30 10:23:07 2018-03-28 12:00:10 2018-06-09 09:50:20 2018-06-05 11:55:11 2018-03-30 11:27:19

Ավագ դպրոցը չի ծառայում իր հիմնական նպատակին․ Արայիկ Հարությունյան

 

ՀՀ կրթության և գիտության նախարարին կից հասարակական խորհուրդը գումարել է իր հերթական նիստը, որը վարել է խորհրդի նախագահ, նախարար Արայիկ Հարությունյանը:

Ինչպես հայտնում են ՀՀ ԿԳՆ-ից, նախարարը նախ շնորհավորել է խորհրդի նոր անդամներին, որոնք ընդգրկվել էին աշխատակարգով սահմանված ժամկետներում իրականացված ռոտացիայի արդյունքում:

«Վերջին շրջանում կրթության ոլորտի նկատմամբ հետաքրքրությունը մեծացել է, և բոլոր այն կազմակերպությունները, որոնք հետաքրքրված են հասարակական խորհրդի աշխատանքներով, կարող են դրա նիստերին մասնակցել խորհրդակցական ձայնի իրավունքով և հանդես գալ համապատասխան առաջարկներով: Նախարարությունը կարևորում է հասարակական խորհրդի գործունեությունը. անհրաժեշտ է, որ այն հանդես գա քննադատությամբ, եթե դրա անհրաժեշտությունը կա, և առաջարկներով, որպեսզի դրանց միջոցով մենք շտկումներ մտցնենք մեր աշխատանքի մեջ և համապատասխան փոփոխություններ անենք»,-նշել է նախարարը՝ անդրադառնալով օրակարգի բուն հարցին՝ կրթության ոլորտի հիմնախնդիրներին և զարգացման միտումներին:

Արայիկ Հարությունյանի խոսքով՝ խիստ արդիական են հրատապ խնդիրների լուծումը և կրթության զարգացման հիմնական ուղենիշների ամրագրումը կրթության բոլոր օղակներում՝ նախադպրոցական կրթությունից մինչև հետբուհական:

«Մեր միջազգային գործընկերների հետ ներկայումս ակտիվ աշխատանք ենք տանում՝ նախակրթարանների ծրագրի հետ կապված, և առաջիկայում հատկապես հեռավոր համայնքներում դրանց թվի զգալի աճ կունենանք: Պետությունը պատրաստ է ֆինանսական ռեսուրսներ հատկացնել այս ծրագրին: Հանրակրթության ոլորտի հիմնական խնդիրն այն է, որ դպրոցներն առավելապես քաղաքականացված են եղել, և կառավարման խորհուրդները չեն ծառայել իրենց բուն նպատակին՝ եղել են բացառապես տնօրեն ընտրելու և իշխանությունը վերարտադրելու գործիք, մինչդեռ դրանք ավելի մեծ լիազորություններ ունեն: Ներկայումս մշակվում է դպրոցների կառավարման խորհուրդների ձևավորման նոր կարգ, որի նախագիծն առաջիկայում կդրվի հանրային քննարկման: Այս առումով ակնկալում ենք հասարակական խորհդի ակտիվ ներգրավվածությունը»,-նշել է նախարարը և հավելել, որ հասարակության շրջանում մեծ է դժգոհությունը՝ պայմանավորված 12-ամյա կրթության հետ:

«Խնդիրը նրանում է, որ ավագ դպրոցը չի ծառայում իր հիմնական նպատակին, հետևաբար անհրաժեշտություն կա՝ դրան նոր և իրական բովանդակություն փոխանցել: Բացի այդ, հանրակրթության ոլորտում մեր հիմնական կարգախոսը լինելու է՝ կրթության հասանելիություն բոլորի համար»,-նշել է Արայիկ Հարությունյանը՝ հավելելով, որ առաջիկայում շրջանառության մեջ կդրվի նաև «Բարձրագույն կրթության մասին» ՀՀ օրենքի նախագիծը՝ կոչ անելով հասարակական խորհրդի անդամներին՝ հանդես գալ համապատասխան առաջարկներով: Նրա խոսքով՝ ներկայումս քննարկվում է բուհերի ներքին ցանց ստեղծելու գաղափարը, որը թույլ կտա ապահովել կրեդիտների և ուսանողների շարժունություն, բուհական համայնքի զարգացում և մրցակցության աճ:

«Մենք պետք է նաև գիտությունը վերադարձնենք բուհեր. այդ հարցով որոշ առաջարկներ կան, մասնավորապես, բարձրագույն կրթության և գիտության մասին օրենքները միավորելու համատեքստում, սակայն այն կհայտնվի՞ մեր օրակարգում, թե՞ ոչ, ցույց կտան առաջիկա քննարկումները»-նշել է նախարարը՝ ընդգծելով, որ ՀՀ կառավարությունը միտված է կրթության ոլորտին հատկացնել ֆինանսական ռեսուրսներ, սակայն դրանք լավագույնս օգտագործելու համար պետք է ուղղվեն կոնկրետ ծրագրերի ուղղությամբ:

Խորհրդի բոլոր անդամները հանդես են եկել ելույթներով, որոնցում հնչեցրել են իրենց տեսլականը և դրանից բխող առաջարկները՝ ոլորտի բարեփոխումների վերաբերյալ: Մասնավորապես, հնչել են առաջարկներ՝ կրթության օրենսգիրք ունենալու, ներառական կրթության կազմակերպման, «Նախադպրոցական կրթության մասին» ՀՀ օրենքում անհրաժեշտ փոփոխություններ իրականացնելու, միջգերատեսչական համագործակցության և մշտադիտարկման համակարգ ունենալու վերաբերյալ:

Բարձրաձայնվել են դպրոցների ֆինանսավորման մեխանիզմների, աշակերտական և ծնողական խորհուրդների գործունեության, ազգային փոքրամասնությունների կրթության կազմակերպման, կրթություն-աշխատաշուկա կապի ամրապնդման, ինչպես նաև սոցիալապես խոցելի խմբերի որակյալ կրթության հասանելիության և գյուղական համայքներում դպրոցների հնարավոր օպտիմալացման վերաբերյալ հարցեր: Առաջարկվել է հստակեցնել խորհրդի առաջնահերթությունները և գերակայությունները, խորհրդի օրակարգում ներառել ինչպես հրատապ, այնպես էլ ռազմավարական ծրագրերի քննարկումներ: Խորհրդի որոշ անդամների հետաքրքրել է, թե ինչպես նրանք կարող են ակտիվ մասնակցություն ունենալ կրթության քաղաքականության մշակման և որոշումների կայացման վրա ազդեցություն ունենալու գործընթացում:

Լսելով խորհրդի բոլոր անդամների ելույթները և առաջարկները՝ նախարարը ևս մեկ անգամ ընդգծել է, որ հասարակական խորհուրդը պետք է իրական դերակատարություն ունենա, և որպեսզի աշխատանքները լինեն առավել արդյունավետ, տեղի կունենա դրա աշխատանքների բաշխում՝ կոնկրետ խմբերի միջև:

«Մինչև խորհրդի հիմնական նիստը հարցի քննարկումը տեղի կունենա խմբերում, կմշակվի ժամանակացույց և քննարկվող հարցի վերաբերյալ առաջարկներն ու որոշումները կներկայացվեն խորհրդի քննությանը: Մեծ խմբերով քննարկումները երբեմն լինում են անվերջ և անարդյունք, հատկապես կրթության ոլորտում, որտեղ առկա է հսկայական աշխատանք բոլոր ուղղություններով: Իրականում ԿԳ նախարարությունն աջակցության մեծ կարիք ունի, քանի որ խնդիրների այն աննախադեպ ծավալը, որ առկա է /օրական 500-700 դիմում և բողոք/, միայն աշխատակազմի ջանքերով հնարավոր չէ լուծել, հատկապես, որ ոլորտը պահպանողական է, և փոփոխությունները դժվար են առաջ գնում՝ հաշվի առնելով նաև որոշ ընթացակարգային հարցեր: Հետևաբար, մենք հասարակական խորհրդի փորձագիտական օգնության կարիքն ունենք»,-նշել է նախարարը՝ ընդգծելով, որ նիստի ընթացքում հնչած մի շարք արժեքավոր առաջարկներ անպայման հաշվի կառնվեն՝ հետագա աշխատանքների պլանավորման և իրականացման գործընթացում: