Այսօր՝ 2020-06-04 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Իմպոտենցիայի մեծ մասը ամուսնական առաջին գիշերվա ընթացքում սեռական գրագիտության պակասի արդյունք է. Փաշինյանը նորմալ է համարում «Իմ մարմինն անձնական է» գիրքը

 

Էդ աղմուկը որ եղավ, ես փորձեցի ճշտել՝ էդ ինչ ա, բայց ճիշտն ասած ինձ ուղարկել էին էլեկտրոնային տարբերակը, և ես էսօր առավոտյան հասցրել եմ նայել : Այս մասին այսօր իր պաշտոնավարման մեկ տարին ամփոփող ասուլիսի ընթացքում ասաց Հայաստանի վարչապետ Նիկոլ Փաշինյանը` անդրադառնալով «Իմ մարմինն անձնական է» գրքի շուրջ ստեղծված սկանդալին:

Փաշինյանն ասաց, որ ինքն այդ ոլորտի մասնագետ չէ, բայց որպես քաղաքացի իր կարծիքը հայտնեց: «Ես հիմա թվերը անգիր չեմ հիշում, բայց 2017 թվականին կարծեմ, Հայաստանում 71 մանկապղծության դեպք ա գրանցվել: Եվ այդ դեպքերի ենթադրաբար տեղի ա ունենում նաև էն պատճառով, որ երեխաները չեն հասկանում՝ իրենց հետ ինչ ա տեղի ունենում: Ես էդ գիրքը փորձեցի կարդալ, բայց որևէ սարսափելի բան չկա: Գրված էր երեխայի մարմնի անձնական մասերի մասին, և նշված էր՝ մայրիկը երեխային համբուրում է, դա նորմալ ա, եղբայրը, հայրը, քույրը համբուրում են, նորմալ ա, բայց քեռու ընկերը եթե համբուրում ա, դա նորմալ ա, թե՞ նորմալ չի. դա ա ներկայացվում գրքում: Երեխան ինտուիտիվ հասկանում ա, բայց չգիտի՝ դա նորմալ ա, թե չէ: Եթե իր մարմնի մասին օտար մարդը փորձի դիպչել, երեխան պետք է հասկանա, որ կարող է այդ օտար մարդուն արգելել»,- նշեց Փաշինյանը:

Վարչապետը նշեց, որ երեխաները գրքում գրվածի մասին տեղեկանում են իրենց տարիքի համար չնախատեսված ֆիլմերով և պոռնոկայքերից օգտվելով: «Երեխաները մեծանում են, հասունանում են և կյանք են մտնում, հետաքրքիր ա՝ էդ որտեղի՞ց են իմանում էդ ամեն ինչի մասին: Փողոցում իրարից լսելով, թաքուն ինտերնետով իրենց տարիքի համար չնախատեսված ֆիլմեր դիտելո՞վ, թե՞ պոռնոկայքեր այցելելով: Էս չի՞ մտահոգում ձեզ: Ես օրինակ, որ կարդացի էդ գիրքը, տեսա, որ ոչ մի արտառոց բան չկա: Ես հարգանքով եմ մոտենում մարդկանց, ովքեր ասում են, դա այլասերություն է, պատրաստ եմ լսել նրանց: Բայց մեզ մոտ տարեկան 60-70 մանկապղծության դեպք է գրանցվում»:

Հաճախ երեխաների հարազատները նրանց հորդորում են հայհոյել, երեխան էլ ասում ա՝ քո սենց ու նենցը, ինչը վարչապետը չգիտի՝ համարե՞լ այլասերություն, թե ոչ: «Երեխան հայհոյում է, հարազատներն էլ հա-հա-հա ծիծաղում են, բայց դա այլասերություն չի, իսկ էն, որ անկախ տարիքից երեխային ասում ես հարաբերությունների ինչ դիստանցիա կարող է լինել, ասում են այլասերվածություն ա»:

Վարչապետի կարծիքով, վատ է, որ գրքի շնորհանդեսին մասնագետների չեն հրավիրել: «Թող հրավիրեին: Բայց չեմ կարծում, որ ոչ մասնագետներ են դա արել: Բա ո՞վ ա էդ գիրքը հրապարակել, քարտաշնե՞րը»:

Բացի այդ, Փաշինյանը նշեց, որ սեռական գրագիտության պակաս կա: «Դուք գիտե՞ք օրինակ, որ Իմպոտենցիայի մեծ մասը ամուսնական առաջին գիշերվա ընթացքում սեռական գրագիտության պակասի արդյունք: Բա դա մեր ավանդական ընտանիքի խնդիր չի՞: Թե դա հա-հա-հա, հի-հի-հի թեմա ա»: