Այսօր՝ 2020-06-04 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

«Ինձ մոտ տպավորություն ստեղծվեց, որ Ադրբեջանի արտգործնախարար Մամեդյարովը լարված էր». Արսեն Խառատյան

 

Նիկոլ Փաշինյանի նախկին խորհրդական Արսեն Խառատյանը ֆեյսբուքյան իր էջում գրել է. «Ադրբեջանի արտգործնախարարի հայ լրագրողներին տված հարցազրույցի ոճը սոցիալական ցանցերում գնահատվում է որպես անհարգալից վերաբերմունք: Անկեղծ ասած ես այս հարցազրույցում անհարգալից շատ բան չտեսա, թերեւս միայն այն բացառությամբ, որ սարկազմով խորհուրդ էր տալիս գնալ կարդալ մեր սահմանադրությունը: Այստեղ ավելի շատ տարիներ շարունակվող մանիպուլյատիվ տեքստն էր, թե` աղքատ եք, կորցնում եք, Արցախը պահելով ոչինչ չեք ստանում, իսկ մենք ձեզ շարունակում ենք իզոլիացնել:

Մամեդյարովը գուցե կարծում է, թե հայ հանրությունն այս ուղերձներից պիտի երկմտի ու թերեւս մոռացել է 2016-ի ապրիլյան պատերազմի օրերին մեր հավաքական կամքի փառահեղ դրսեւորումը, ինչը` հետհեղափոխական Հայաստանում անհամամեմատ ավելացել է:

Այս կարճ հարցուպատասխանից ինձ մոտ տպավորություն ստեղծվեց նաեւ, որ նախարարը լարված էր, ինչը գուցե մի կողմից պայմանավորված է այսպիսի բրիֆինգային ֆորմատով մեր լրագրողների հետ Մամեդյարովի առաջին անգամ շփվելու իրողությամբ: Գուցե նաեւ ընդհանուր նյարդային վիճակ է Բրյուսելիում ԵՄ-Ադրբեջան բանակցություններում ձախողելու պատճառո՞վ:

Անկախ ամեն ինչից ես դրական եմ գնահատում ադրբեջանցի պաշտոնյայի հետ ուղիղ հաղորդակցման այս փորձը եւ հույս ունեմ, որ սա առաջիկայում պարբերական բնույթ կստանա: Մի խորհուրդ միայն, եթե մեր ադրբեջանցի գործընկերներն իրոք ուզում են ուղիղ խոսել հայերի հետ, ապա պետք է լրջորեն վերանայեն ասելիքի տեքստն ու ոճը

»: