Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Կարո Փայլանը պատրաստվում է դատախազություն դիմել հայազգի տղային «իսլամացրած» թուրք աստվածաբանի գործով

 

Հայկական և թուրքական շրջանակներում բուռն քննարկումների առիթ է տվել թուրքական հեռուստաշոուներից մեկի ժամանակ հայտնի աստվածաբան Նիհաթ Հաթիփօղլուի կողմից Արթուր անունով հայազգի տղային իսլամի հետևորդ դարձնելու փորձը:

Խորհրդարանի անդամ Կարո Փայլանն այս առնչությամբ մտադիր է պաշտոնապես բողոք ներկայացնել Ռադիոյի և հեռուստատեսության բարձրագույն խորհուրդ, ինչպես նաև երկրի դատախազություն:

«Արթուրի մայրը հայտնել է, որ երեխան հեռուստաշոուին է մասնակցել առանց իր թույլտվության: Ես պաշտոնական բողոք կուղղեմ Ռադիոյի և հեռուստատեսության բարձրագույն խորհրդին, ինչպես նաև երկրի դատախազությանը: Ես կբողոքեմ այդ հաղորդման դեմ երեխաների չարաշահման համար»,-իր ֆեյսբուքյան էջում գրել է պատգամավորը:

Պոլսո պատրիարքի փոխանորդ Արամ արքեպիսկոպոս Աթեշյանն իր հերթին զանգահարել է կրոնի հարցերով վարչության ղեկավարին ու դեպքի առնչությամբ իր անհանգստությունը հայտնել:

Իշխող «Արդարություն և զարգացում» կուսակցության պատգամավոր Մուստաֆա Էներօղլուն ևս անդրադարձել է թեմային՝ նշելով, որ ծայրահեղ դժգոհ է Հաթիփօղլուի արարքից:

Աղբյուրը մանրամասնում է, որ միջադեպը տեղի է ունեցել Հաթիփօղլուի շոուի ժամանակ, երբ 13-ամյա Արթուրը աստվածաբանի խնդրանքով «համաձայնել» է իսլամ ընդունել և Նիհաթ անունը վերցնել: