Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Գիրքը հնարավորություն կտա մեզ դուրս գալ քաղաքական զարգացման այն ճգնաժամից, որի մեջ գտնվում են նոր անկախացած երկրները. Մարիամ Մարգարյան

 

Այսօր՝ հուլիսի 3-ին տեղի ունեցավ ՀՀ ՊԿԱ քաղաքական կառավարման և հանրային քաղաքականության ամբիոնի վարիչ, քաղաքական գիտությունների դոկտոր, պրոֆեսոր, դոցենտ Մարիամ Մարգարյանի «Քաղաքական արդիականացման հրամայականները Հայաստանի Հանրապետությունում» գրքի շնորհանդեսը:

Տիկին Մարգարյանի խոսքով, արդիականացումը շատ բարդ, բազմաչափ տեսություն է քաղաքական գիտության մեջ, և ներառում է բազմաթիվ գիտաճյուղեր և հնարավորություններ պատմության, հոգեբանության և փիլիսոփայության: «Դրա համար ես ավելի շատ կենտրոնացա քաղաքական փիլիսոփայության վրա: Այսինքն՝ մեկնաբանեցի քաղաքական արդիականացման էվոլյուցիան՝ ամբողջ տեսակի մեջ, և հատկապես այն քաղաքակրթական շերտը, որն առնչվում է և կարող է առնչվել մեզ: Եվ այն հնարավորություն կտա մեզ դուրս գալ քաղաքական զարգացման այն ճգնաժամերից, որի մեջ գտնվում են նոր անկախացած երկրները, որոնք թևակոխում են քաղաքական արդիականացման այդ բազմաչափ գործընթացի մեջ»:

Քաղաքական արդիականացումը ենթադրում է քաղաքական համակարգի բնականոն փոփոխություններ, որը հնարավորություն կտա հասարակությանը պատռել ժամանակը, դուրս գալ դեպի անվտանգ և երջանիկ ապագա:

Գրքի հեղինակի խոսքով, ցանկալի է, որ կարևորվի գրքի առաջին էջը: «Մեկ ամսից ավելի ման էինք գալիս, թե ինչ նկար պետք է դնենք: Եվ եկանք այն եզրակացությանը, որ այդ սյուռեալ տեքստերը քաղաքագիտական պետք չի անպայման փնտրել դրսերում, հարկավոր է տեսնել, թե մեր մշակույթը, մեր քաղաքակրթությունը արդյոք կարևորել է դա: Եվ եկանք այն եզրակացությանը, որ այո, շատ ա կարևորել: Եվ վերցրինք Երվանդ Քոչարի «Մարդը և քաղաքը». մարդ, որ եկել է քաղաք, մարդ, որն ունի հրամայական՝ քաղաքակրթվել, մարդ, որը որոշակիորեն պետք է դիմանա մարտահրավերներին, մարդ, որը չպետք է կորցնի իր դեմքը և ունենա ինքնություն, մարդ, որ պետք է առնչվի իշխանության հետ և վերջապես իրականացնի իշխանություն»: