Այսօր՝ 2020-05-30 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Արտակարգ դեպք Երևանում. ճանապարհային ոստիկանության ավագ տեսուչը, վտանգելով իր կյանքը, «Հաղթանակ» կամրջի վտանգավոր եզրագծից անվտանգ վայր է տեղափոխել մի կնոջ, ով փորձում էր իրեն ցած նետել

 

Երեկ ուշ երեկոյան արտակարգ դեպք է տեղի ունեցել Երևանում։ Ինչպես հայտնում է shamshyan.com-ը, ճանապարհային ոստիկանության 1-ին սպայական գումարտակի ավագ տեսուչ Սամսոն Պողոսյանը ծառայության ընթացքում Երևանի ՃՈ օպերատիվ կառավարման կենտրոնի պատասխանատու հերթապահ Կարեն Հովակիմյանից տեղեկություն է ստանում, որ մի կին անցել է «Հաղթանակ» կամրջի վտանգավոր եզրագիծը և սպառնում է իրեն ցած նետել։

Ճանապարհային ոստիկանը, օպերատիվորեն հասնելով նշված վայր, կարողանում է իր կյանքը վտանգելով՝ նույնպես մասամբ անցնել վտանգավոր եզրագիծը և այդ կնոջն անցկացնել անվտանգ վայր, որից հետո արդեն դեպքի վայր են ժամանում ժողովրդին հայտնի ոստիկանության Կարմիր բերետները։

Իրավիճակի մասին Կ. Հովակիմյանը տեղեկությունը փոխանցում է նաև Երևանի ՃՈ պետ Վահան Էվինյանին, ում կարգադրությամբ Երևանի ՃՈ օպերատիվ կառավարման կենտրոնից ահազանգում են Երևանի 1-03 շտապօգնություն, և ժամանած բժիշկները տեղում օգնություն են ցուցաբերում այդ կնոջը, որից հետո նրան տեղափոխում են հիվանդանոց։

Փաստի առթիվ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում, ոստիկանությունը պարզում է հիվանդանոց տեղափոխված կնոջ ինքնությունը։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Կարեն Գրիգորյանի