Այսօր՝ 2020-07-12 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

«Փոքրիկ իշխանին» սիրահարված գյումրեցի նկարչուհին. Անի Խաչատրյան- տեսանյութ

 

Սկզբում գծանկարն է ծնվում, հետո դա դառնալու է գույների մեջ կտավի վրա: Երբ ներկերի մեջ ես անընդհատ, ձեռքերդ անպայման ներկոտ պիտի լինեն: Այս մասին Globnews.am-ի հետ զրույցում պատմեց գյումրեցի նկարչուհի Անի Խաչատրյանը:

«Չկա էդպիսի մի օր, որ ես աններկ կամ անմուր մնամ: Մայրս որոշեց, որ ինձ պետք ա տանի դաշնամուրի դասերի, փոխարենը քույրիկիս էին տանում նկարչական դպրոց ու ես միշտ նախանձում էի: Վերջը էն համոզմունքին եկավ մայրս, ասեց, չէ ավելի լավ է տանեմ նկարչական դպրոց. ընդունվեցի գրաֆիկայի բաժին: Էդ ժամանակ իմ մեջ արթնացավ նաև գրելու ցանկությունը: Մտքիս եկավ կոշիկների մասին ինչ-որ բան գրել, ու առաջին հեքիաթս էր, որ առաջին կուրսում գրեցի, ու որոշեցի գիրք տպել: Կերպարիս անունը Լուպի էի դրել, նա եկել էր հենց իր մոլորակի անունն էլ էր Լուպի, ու ինքը որոշել էր գալ մարդկանց երկիր ու ծանոթանալ: Բայց գալիս է, էստեղ իրեն ծաղրում են, ու ինքը խռովում, գնում է իր աշխարհ, իր մոլորակ է վերադառնում: Ու հետո իմ ընկերներից մեկը, թե «Փոքրիկ իշխանին» է նման, ու դարձա «Փոքրիկ իշխանի» մեծ երկրպագու»:

Անին պատմում է, որ շատ ժամանակ քաղաքում նկարում է մարդկանց՝ ցույց տալով գյումրեցու տեսակը, մարդկանց բնավորությունը, թեկուզ՝ էդ անգործությունը, որ կա քաղաքում:

«Մեր քաղաքում քանի որ անապահով ընտանիքներ շատ կան, որոշեցի ամանորյա հեքիաթներ գրել, ձևավորել: Ու տպվեցին փոքրիկ գրքույկներ՝ հինգ հարյուր օրինակ: Դրանք վաճառելով՝ էդ հասույթը տրամադրվեց անապահով ընտանիքի երեխաներին, նաև մեր մանկատանը»:

Գյումրեցի նկարչուհին ցանկություն ունի շարունակելու կրթությունը Եվրոպայում: «Էնպես չէ, որ ուրանում եմ իմ հայրենիքը, կամ ուզում եմ գնալ այստեղից: Դա չէ, ուղղակի ուզում եմ կատարելագործվել էնտեղ»: