Այսօր՝ 2020-07-12 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Երաժիշտ ֆիզիկը. Կարեն Մնացականյան

 

Ես ընտրեցի ֆիզիկան, քանի որ իմ գերդաստանի մեջ շատ ֆիզիկներ կային՝ իմ հայրը, իմ բարեկամներից ոմանք, և միշտ փոքրուց իմ մեջ այդ սերը դեպի գիտություն ներարկում էին։ Այս մասին GlobNews.am-ի հետ զրույցում ասաց ֆիզիկ Կարեն Մնացականյանը:

«Տարիներ առաջ ես դիմեցի և ընդունվեցի Ֆիզմաթ դպրոց։ Հիմա շարունակում եմ մասնագիտությունս՝ որպես հեռահաղորդակցությունների գծով մասնագետ, ֆիզիկոս։

Ամեն տարվա մեջ իմ հետաքրքրությունները բավարարելու համար տարբեր պրոեկտների եմ մասնակցում։ Ամենանշանակալիներից անցած սեպտեմբերին իմ Չեխիա այցելությունն էր, որտեղ մենք հաղորդակցվեցինք դպրոցական երեխաների հետ, իրենց սովորեցրինք մեր ազգի լեզուն, իրանք էլ մեզ սովորեցրեցին չեխերեն։ Տիեզերագնացների հետ իրական հեռախոսազրույց ենք ունեցել՝ վերջին պրոեկտներին մասնակցելու ժամանակ, որ այնքան հաճելի էր, որ ես 20 րոպե հնարավորություն ունեցա, դժվար թե երբևէ կրիկին ունենամ իրենց հետ խոսելու հնարավորությունը և իրենց նույնիսկ հարց ուղղեցի և նրանք էլ պատասխանեցին, դա շատ հաճելի էր»։

Բացի ֆիզիկան, Կարենը այլ հետաքրքրություններ ևս ունի: «Ֆլեյտան, թե ինչպես ես ընտրեցի՝ շատ հետքրքիր պատմություն է: Երբ ֆլեյտայի ձայները նոր-նոր դուրս եկան, հասկացա՝ ահա, սա հենց այն է, ինչ ես ուզում եմ։ Ու դրանից հետո ես ունեցա իմ ֆլեյտան ու սկսեցի նվագել, նվագել, նվագել ու էլի նվագել»:

«Միշտ զգացել եմ իմ մեջ այն ցանկությունը, զարգացնել և օգտագործել ուղեղի ռեսուրսը: Ինտելեկտուալ խաղերից «Ինչ, որտեղ, երբ»-ը ինձ սովորեցրեց 60 վայրկյանում գտնել հարցի պատասխանը․ ինչ ուզում է լինի, ես պետք է գտնեմ այն, սեփական խաղն ինձ հնարավորություն տվեց իմ գիտելիքների ամբողջ բազան օգտագործել և ընդամենը 5 վայրկյանում գտնել ճիշտ պատասխանը»:

«2019-ին ես 2 տարով կընդհատեմ իմ առաջխաղացումը և հայրենիքիս իմ պարտքը կտամ՝ ծառայության անցնելով, բայց դրանից հետո շատ մեծ պլաններ ունեմ, քանի որ ինձ զգում եմ Հայաստանի այնպիսի մի քաղաքացի, այնպիսի երիտասարդ, ով ունակ է և ունի այն բոլոր հնարավորությունները՝ օգնելու մնացածին բարձրանալու, իրենց զարգացումը ապահովելու համար, դա երևի թիվ մեկ նպատակն է կյանքիս»,- եզրափակեց Կարեն Մնացականյանը։