Այսօր՝ 2020-05-29 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

6 խոստում. որը ինչ մակարդակով է կատարել Փաշինյանը

 

2018 թվականի նոյեմբերի դրությամբ մենք կատարել ենք մեր ժողովրդի առաջ ստանձնած բոլոր պարտավորությունները՝ առանց բացառության: Այս մասին այսօր հրավիրված մամուլի ասուլիսի ընթացքում նշեց Հայաստանի վարչապետի պաշտոնակատար Նիկոլ Փաշինյանը:

«Առաջին. մենք խոստացել էինք, որ եթե Հայաստանի ժողովուրդը արտահայտի իր կամքը, ապա մենք կապահովենք Սերժ Սարգսյանի և նրա թիմի հեռացումը իշխանությունից, ընդ որում՝ բացարձակապես խաղաղ ճանապարով: Եվ այսօրվա դրությամբ այդ պարտավորությունը լիարժեք կատարված է: Երկրորդ. մենք խոստացել էինք, որ Հայաստանի ընտրությունների կեղծման պրակտիկան արմատախիլ կարվի, իշխանության ձևավորումը տեղի կունենա բացառապես ժողովրդի ազատ կամարտահայտման միջոցով: 2018 թվականի սեպտեմբերին տեղի ունեցած Երևանի ավագանու և հոկտեմբերին տեղի ունեցած ՏԻՄ ընտրությունների արդյունքներով պարտավորությունը լիարժեք կատարված է»:

Իշխանության երրորդ պարտավորությունն, ըստ Փաշինյանի, կոռուպցիայի դեմ անզիջում պայքարն է: «Պարտավորությունը լիարժեք կատարված է, իհարկե կոռուպցիայի դեմ պայքարը շարունակվում է և ժողովրդից մանդատ ստանալու դեպքում մենք այդ պայքարը կշարունակենք: Չորրորդ, մենք խոստացել էինք վերացնել արհեստական տնտեսական մենաշնորհը, այսօր որևէ շուկայում մուտքի խոչընդոտները և որևէ այլ սահմանափակումներ չկան, ի հայտ են գալիս և կգան նոր խաղացողներ: Հետևաբար պարտավորությունը լիարժեք կատարված է: Հինգերորդ. մենք խոստացել էինք, որ Հայաստանում չեն լինի արտոնյալանձինք, և կապահովվի օրենքի առաջ բոլորի հավասարությունը: Պարտավորությունը լիարժեք կատարված է»:

Եվ վեցերորդ պարտավորությունը, վարչապետի պաշտոնակատարի խոսքով, խորհրդարանական արտահերթ ընտրությունների անցկացումն էր, որը լիարժեք կատարված է: «Այսպիսով, այս ամենի եզրակացությունը հետևյալն է. Հայաստանում իշխանությունը վերադարձված է ժողովրդին և պատկանում է ժողովրդին, և ընտրություններին 1 քվեով ժողովուրդը որոշելու է երկրի հետագա ճակատագիրը: Իհարկե, 2018 թվականի դեկտեմբերի 9-ի ընտրություններում մենք վստահության քվե ենք ակնկալում ժողովրդից՝ առաջիկա 5 տարիներին պետության ղեկավարումը ստանձնելու համար»,- նշեց Փաշինյանը:

Փաշինյանն առավել կարևոր, բայց չիրագործված խոստումներին դեռ չի անդրադարձել։