Այսօր՝ 2020-07-12 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Գտնում ենք, որ մասնակցությունը ճիշտ է․ Մհեր Շահգելդյան

 

«Օրինաց երկիր» կուսակցությունն ունեցել է իր ներդրումը քաղաքական բոլոր գործընթացներում, խորհրդարանում ունեցել է ակտիվություն, ավելի քան 250 օրենսդրական նախձեռնությունների հեղինակ է։ Այս մասին այսօր «Հայելի» մամուլի ակումբում լրագրողների հետ հանդիպմանն ասաց կուսակցության փոխնախագահ Մհեր Շահգելդյանը՝ անդրադառնալով դեկտեմբերի 9-ին կայանալիք Ազգային ժողովի արտահերթ ընտրություններին։

«Գտնում ենք, որ մասնակցությունը ճիշտ է, ժողովրդի քվեն ստանալու դեպքում աշխատելու ենք ի նպաստ մեր երկրի»,- ասաց Շահգելդյանը՝ հավելելով, որ երկրի առջև կանգնած խիստ հրատապ խնդիրների լուծման ուղղություններով պատկերացումներ ունեն։

Նրա կարծիքով՝ ընտրությունները կլինեն մաքուր, և դրա արդյունքում ժողովուրդն իր գնահատականը կտա թիմին։

«Մենք աջակցել ենք հեղափոխությանը և աջակցելու ենք այն մոտեցումներին, որոնք ուղղված են լինելու Հայաստանի զարգացմանը»,- նշեց Շահգելդյանը։

Նրա խոսքով, ծրագիրն արդեն պատրաստ է և շուտով բոլորը կստանան այն․ «Այն, ինչ ներկայացված է, հաշվարկված է։ Հաշվարկել ենք, որ դա հնարավոր է իրականացնել՝ տեսնելով աղբյուրները»։

Ըստ Շահգելդյանի, երբ իրենք մի բան են առաջարկում բոլորն ասում են, որ հնարավոր չի։ Նա որպես օրինակ բերեց ավանդների վերադարձը․ «Սկզբում ասում էին, որ հնարավոր չի, սակայն գործընթացը սկսվեց, և այսօր տասնյակ հազարավոր մարդիկ ստանում են այն»։

Մհեր Շահգելդյանի խոսքով, իրենց կուսակցության նախընտրական ռազմավարությունը հիմնվում է երկրի ընդհանուր զարգացման տեսլականի ռազմավարության վրա։

«Կօգտագործվեն քաղաքական ընտրությունների բոլոր մոտեցումները, կլինեն հանդիպումները ժողովրդի հետ բոլոր բնակավայրերով»,- ասաց ՕԵԿ փոխնախագահը։

Մանրամասները՝ տեսանյութում