Այսօր՝ 2022-01-19 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

ՌԴ-ն է՞ Փաշինյանին «քցում», թե՞՝ հակառակը

 

Այսօր արդեն ՌԴ նախագահի օգնական Յուրի Ուշակովը հայտարարել է, որ ՀԱՊԿ գագաթնաժողովը հետաձգվել է Հայաստանի խնդրանքով:

«Հաշվի առնելով մասնավորապես հայկական կողմի խնդրանքը, որը հղում էր արել նախընտրական արշավին, որը կավարտվի դեկտեմբերի 9-ին, որոշում կայացվեց ՀԱՊԿ գագաթնաժողով չանցկացնել»,- ասել է նա:

Մինչդեռ Վայոց Ձորի մարզում քարոզարշավից հետո լրագրողների հետ զրույցում Հայաստանի վարչապետի պաշտոնակատար Նիկոլ Փաշինյանը 2 օր առաջ հայտնել էր, որ Վլադիմիր Պուտինը առաջարկել է դեկտեմբերի 6-ին ՀԱՊԿ գագաթնաժողովը չանել, քանի որ այսպիսի իրավիճակ է: Նա մանրամասնեց է, որ Պուտինն առաջարկել է աշխատանքային կարգով քննարկել իրավիճակը, լուծումները, որպեսզի պատրաստի լուծումներով գնանք:

«Ես համաձայնեցի, որովհետև կարծում եմ՝ աշխատանքային ընթացակարգերով այդ հարցը լուծելը ավելի ճիշտ է»,- մանրամասնել է Փաշինյանը։

Նա նշեց, որ քանի որ հիմա էլի քննարկումների արդյունքում պարզվեց, որ էլի կոնսենսուս չկա, Աստանայի պատկերը կրկնելն իմաստ չունի, դա կառուցողական չէ։

«Պայմանավորվածությունը հետևյալն է, որ մենք կշարունակենք աշխատանքային կարգով քննարկումները, մինչև որևէ կոնսենսուսային կարգով լուծումներ գտնենք»,– ասաց Փաշինյանը։

Իսկ այսօր՝ Յուրի Ուշակովի հայտարարությունից հետո վարչապետի պաշտոնակատար Նիկոլ Փաշինյանի խոսնակը հայտարարեց, որ Հայաստանը հանդես չի եկել ՀԱՊԿ` դեկտեմբերի 6-ի գագաթնաժողովը հետաձգելու առաջարկով։

«Հայաստանը հանդես չի եկել ՀԱՊԿ` դեկտեմբերի 6-ի գագաթնաժողովը հետաձգելու առաջարկով: Ամեն ինչ եղել է այնպես, ինչպես վարչապետի պաշտոնակատարը ներկայացրել է դեկտեմբերի 2-ին լրագրողների հետ զրույցում»,- տեղեկացրել է խոսնակը:

Հատկանշական է, որ կողմերը իրարամերժ և հակասական տեսակետներ են հայտնում, մինչդեռ տուժողի դերում հայտնվում են Հայաստանի արտաքին քաղաքականությունն ու անվտանգությունը: Իսկ հայ-ռուսական հարաբերությունների ապագա զարգացման մասին խոսել դեռևս վաղ է: