Այսօր՝ 2022-01-27 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Երբ թեկնածուն 4 քաղաքական ուժերից ավելի շատ ձայն է ստացել

 

Դեկտեմբերի 9-ին Հայաստանում անցկացվեցին խորհրդարանական արտահերթ ընտրություններ. արդյունքում՝ 11 քաղաքական ուժերից միայն 3-ը հաղթահարեցին անցողիկ՝ 5%-անոց շեմը:

Քաղաքական ուժերից բացարձակ առաջատարը «Իմ քայլը» դաշինքն է, որը ստացել է ձայների 70,43 տոկոսը: Խորհրդարան անցած մյուս 2 քաղաքական ուժերը՝ ԲՀԿ-ն և ԼՀԿ-ն համապատասխանաբար ստացել են ձայների 8,27 և 6,37 տոկոսը:

Հետաքրքիր է, որ ընտրությունները առանձնանում էին իրենց «ծայրահեղական» բնույթով:

Օրինակ, «Իմ քայլը» դաշինքի ռեյտինգային թեկնածուներից Սասուն Միքայելյանը ստացել է 31739 ձայն, ավելին, քան ՕԵԿ-ը (12 389), «Քաղաքացու որոշում»-ը (8 530), «Քրիստոնեա-ժողովրդական վերածնունդ»-ը (6 456) և «Ազգային առաջընթաց»-ը (4 122) միասին:

Պետք է նշենք, որ առաջատար ուժի առաջադրած ռեյտինգային թեկնածուներից ոմանք ևս հանրությանը հայտնի չեն, սակայն ստացել են 1000-ավոր ձայներ: Այս դեպքում նրաց ստացած ձայների հիմանական մասը պատկանում է ՔՊ առաջնորդ Նիկոլ Փաշինյանին: Սկզբունքը եղել է մեկը՝ կապ չունի ով է թեկնածուն, կարևորը՝ «Իմ քայլը»-ական է:

Հանուն արդարություն նշենք, որ հակառակ պատկերը ևս տեսանելի է: Օրինակ՝ ՕԵԿ ռեյտինգային թեկնածու Աննա Մելիքբեկյանը ստացել է 6 ձայն:

4 ռեյտինգային թեկնածուներ էլ ստացել են 9 ձայն.

  • ՔԺՎԿ, Ստեփանյան Սուսաննա
  • ՔԺՎԿ, Քերոբյան Ստեփան
  • ՔԺՎԿ, Քացախյան Միքայել
  • ՕԵԿ, Մելքոնյան Գոհար

Այսինքն՝ կան դեպքեր, երբ ռեյտինգային թեկնածուներին բացի իրենց ընտանիքի անդամներից ոչ ոք չի ընտրել: Իսկ մեծ ընտանիք ունենալու դեպքում կստացվի ավելի հետաքրքիր պատկեր: Այս ամենը մասամբ հիշեցնում է 2018 թվականի ապրիլի 11-ի Ադրբեջանում անցկացված նախագահական ընտրությունները, երբ նախագահի թեկնածուներից մեկը՝ Հաֆիզ Հաջիևը խոստովանեց, որ քվեարկել է Իլհամ Ալիևի օգտին:

Հանրայնացնելով իր հավատարմությունն Իլհամ Ալիևին՝ Հաջիևը հաստատել էր Ադրբեջանական ընդդիմադիր մամուլում և սոցկայքերում շրջանառվող այն կարծիքը, որի համաձայն` նախագահական արտահերթ ընտրություններում Իլհամ Ալիևը մրցակիցներ չունի և որ բոլոր թեկնածուններն առաջադրվել են նրա պատվերով: