Այսօր՝ 2022-01-19 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

«Հանուն մեր երկրի հզորության և ի սարսափ թշնամաց». գործադիրում Արարատ Միրզոյանի պարեկն ավարտված է

 

Շնորհակալ եմ «Իմ քայլը» դաշինքի գործընկերներին բարձր վստահության և Ազգային ժողովի նախագահի պատասխանատու պաշտոնում թեկնածությանս առաջադրման համար։ Այս մասին այսօր Ազգային ժողովում հայտարարեց «Իմ քայլը» խմբակցության կողմից ԱԺ նախագահի պաշտոնում առաջադրված թեկնածու Արարատ Միրզոյանը։ «Հանուն մեր երկրի հզորության և ի սարսափ թշնամաց». սրանից 2800 տարի առաջ մոտավորապես այս խոսքերն է դրոշմել սեպագիր արձանագրության մեջ հայկական լեռնաշխարհի հնագույն պետություններից մեկի գահակալը` էրեբունի ամրոցի հիմնադրման ժամանակ»,- իր ելույթի սկզբում նշեց Միրզոյանը:

Նա նաև «Սասնա ծռեր» էպոսից մի հատված մեջբերեց։

Արարատ Միրզոյանը ելույթի սկզբում իր երախտիքը հայտնեց բոլոր անհատներին, ովքեր այսպիսի գիտակցում ու դերակատարում են ունեցել իրենց պատասխանատվության այս շրջանին նախորդած բոլոր պատմական փուլերում։

«Հանուն մեր պետականության, Հայաստանի և Արցախի Հանրապետությունների հզորության, մեր ժողովրդի բարօրության, քաղաքացիների արժանապատվության, ազատության և իրավունքի․ հենց այս գաղափարներն ու արժեքներն էին ընկած նաև մի քանի ամիս առաջ տեղի ունեցած ժողովրդավարական հեղափոխության հարյուր հազարավոր քաղաքացիների նվիրումի ու պայքարի հիմքում։ Ի թիվս այդ հարյուր հազարավորների՝ իմ համեստ ջանքերն էլ բխում էին հենց այդ հավատամքից քաղաքացիական և քաղաքական պայքարի մի քանի տարիների ընթացքում և ԱԺ ընդդիմադիր պատգամավոր եղած մեկ տարվա ընթաքում»,- ասաց Միրզոյանը։

Ըստ նրա՝ նույնն էր նաև հեղափոխությունից հետո առաջին փոխվարչապետի պաշտոնում աշխատելիս։

«Այժմ գործադիր պաշտոնում իմ պարեկն ավարտված է, և Ձեր համաձայնության դեպքում, ես պատրաստ եմ լծվել նոր մարտահրավերի հաղթահարմանը, խորհրդարանական կառավարման համակարգ ունեցող պետությանը հարիր խորհրդարանի կայացմանը և Սահմանդրությամբ սահմանված լիազորությունների շրջանակներում նոր խորհրդարանական ավանդույթների և մշակույթի ձևավորմանը նպաստս բերելուն»,- նշեց Արարատ Միրզոյանը։

Նրա խոսքով, սա հատկապես պատասխանատու և պարտավորեցնող է դառնում այն գիտակցումով, որ խոսում ենք իրապես ազատ, արդար, թափանցիկ և ժողովրդավարական, միջազգային ամենաբարձր ստանդարտներին համապատասխան ընտրությունների արդյունքում ձևավորված խորհրդարանի մասին։

«Վերջին ամսիներին մշտապես ձգտել եմ բանակցային և գործընկերային լինել քաղաքական դաշտի ամենատարբեր ուժերի հետ, հուսամ՝ ճիշտ այդպիսին են ընկալվել նաև 7-րդ գումարման խորհրդարանական ուժերի կողմից իմ վերջին օրերի փորձերը՝ բանակցելու, խորհրդակցելու, վերաբանակցելու և բոլորի համար առավել ընդունելի լուծումներ գտնելու ուղղությամբ։ Ճիշտ այդպիսին են լինելու նաև իմ հետագա ջանքերը։ Ամեն ինչ անելու եմ բոլոր խմբակցությունների հետ կառուցողական և արդյունավետ երկխոսության, փոխվստաhության մթնոլորտի ձևավորման համար»,- հայտարարեց Միրզոյանը։