Այսօր՝ 2022-01-19 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Խաղացողների վերադասավորում՝ առանց համալրումների. ովքե՞ր են նորանշանակ նախարարները

 

Այսօր՝ հունվարի 19-ին, նախագահ Արմեն Սարգսյանը, հիմք ընդունելով վարչապետի առաջարկությունը, համաձայն Սահմանադրության 150-րդ հոդվածի, հրամանագրեր է ստորագրել՝ նախարարներ նշանակելու մասին:

Այսպես.

Զոհրաբ Մնացականյանը վերանշանակվել է արտաքին գործերի նախարարի պաշտոնում:

Հիշեցնենք, որ Մնացականյանը այս պաշտոնը զբաղեցնում է 2018 թվականի մայիսի 12-ից: 1997-ին Մնացականյանը եղել է ՀՀ վարչապետի օգնական: 1997-1998 թթ. ԱԳՆ-ում զբաղեցրել է Առաջին եվրոպական վարչության պետի պաշտոնը, 1998-1999 թթ.՝ Եվրոպայի վարչության պետի, 1999-2002 թթ.՝ Արտաքին հարաբերությունների վարչության պետի:

Էրիկ Գրիգորյանը վերանշանակվել է բնապահպանության նախարարի պաշտոնում:

Հիշեցնենք, Գրիգորյանը պաշտոնը ստանձնել է 2018թ.մայիսի 12-ից: Գրիգորյանը Հայաստանում, Ռուսաստանում, Հունաստանում և Գերմանիայում տպագրված մի շարք հրատարակությունների, գիտական հոդվածների հեղինակ է: Անկուսակցական է, ամուսնացած է, ունի երկու որդի:

Ֆելիքս Ցոլակյանը վերանշանակվել է արտակարգ իրավիճակների նախարար:

Արտակարգ իրավիճակների նախարարի պաշտոնը զբաղեցնող ԲՀԿ-ական Հրաչյա Ռոստոմյանին փոխարինեց Ֆելիքս Ցոլակյանը:

Հակոբ Արշակյանը վերանշանակվել է տրանսպորտի, կապի և տեղեկատվական տեխնոլոգիաների նախարարի պաշտոնում:

Հիշեցնենք, որ Արշակյանը պաշտոնը զբաղեցնում է 2018 թվականի հոկտեմբերի 4-ից:

Տիգրան Խաչատրյանը վերանշանակվել է տնտեսական զարգացման և ներդրումների նախարարի պաշտոնում:

Հիշեցնենք, որ Խաչատրյանը հոկտեմբերի 2018 թվականի հոկտեմբերի15-ին նշանակվել է ՀՀ տնտեսական զարգացման և ներդրումների նախարար:

Ատոմ Ջանջուղազյանը վերանշանակվել է ֆինանսների նախարարի պաշտոնում:

Հիշեցնենք, որ Ջանջուղազյանը այս պաշտոնը զբաղեցնում է 2018 թվականի մայիսի 12-ից:

Արսեն Թորոսյանը վերանշանակվել է առողջապահության նախարարի պաշտոնում։

Թորոսյանը այս պաշտոնը զբաղեցնում է 2018 թվականի մայիսի 12-ից:

Արտակ Զեյնալյանը վերանշանակվել է արդարադատության նախարարի պաշտոնում:

Հիշեցնենք, որ Զեյնալյանը այս պաշտոնը զբաղեցնում է 2018 թվականի մայիսի 12-ից:

Զարուհի Բաթոյանը նշանակվել է աշխատանքի և սոցիալական հարցերի նախարար:

Հիշեցնենք, որ 2018 թվականի մայիսի 12-ից Բաթոյանը ստանձնել է աշխատանքի և սոցիալական հարցերի փոպնախարարի պաշտոնը: Իսկ նախկին նախարար Մանե Թանդիլյանը իր գործունեույունը շարունակելու է ԱԺ-ում:

Դավիթ Տոնոյանը վերանշանակվել է պաշտպանության նախարար:

Հիշեցնենք, որ Տոնոյանը ՊՆախարարի պաշտոնը զբաղեցնում է 2018 թվականի մայիսի 11-ից:

Սուրեն Պապիկյանը վերանշանակվել է տարածքային կառավարման և զարգացման նախարարի պաշտոնում:

Հիշեցնենք, որ Պապիկյանը պաշտոնը զբաղեցնում է 2018 թվականի մայիսի 12-ից:

Արայիկ Հարությունյանը վերանշանակվել է կրթության և գիտության նախարարի պաշտոնում:

Հիշեցնենք, որ Հարությունյանը այս պաշտոնը զբաղեցնում է 2018 թվականի մայիսի 12-ից:

Իսկ օպտիմալացված նախարարությունների ղեկավարներ Լիլիթ Մակունցը (ՀՀ մշակույթի նախարարություն) և Մխիթար Հայրապետյանը (ՀՀ սփյուռքի նախարարություն) իրենց գործունեությունը կշարունակեն 7-րդ գումարման խորհրդարանում: