Այսօր՝ 2022-01-27 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Այն, որ Փաշինյանն ու Ալիևը նստել և պատմական որունումներով էին զբաղվում մեկուկես ժամ, դա տնային տնտեսուհիների համար է. քաղաքագետ

 

Չեմ կարծում՝ որևէ նոր բան է կատարվում Լեռնային Ղարաբաղի բանակցությունների շուրջը, բանակցությունների գաղտնիությունը նորմալ ձևաչափ է։ Այս մասին այսօր «Հոդված 3» ակումբում լրագրողների հետ հանդիպմանն ասաց Կովկասի ինստիտուտի տնօրեն Ալեքսանդր Իսկանդարյանը։

«Այն, որ նախկին պայմանավորվածությունները չէին կատարվում, դա էլ է նորմալ ձևաչափ, ժամանակ առ ժամանակ սահմանին բռնությունների աճն ու նվազումը դա էլ նորություն չէ։ Այն, որ Ղարաբաղը պետք է մասնակցի բանակցություններին, Հայաստանում առաջին անգամ չէ, որ խոսվում է և այլն։ Պատճառները պարզ են։ Հայաստանի և Ադրբեջանի իշխանությունները պետք է աշխատեն 3 դաշտում, իսկ Հայաստանը՝ նույնիսկ 4. ներքաղաքական դիսկուրսներում, Արցախի ուղղությամբ, Ադրբեջանի ուղղությամբ, համանախագահների կամ միջազգային հանրության ուղղությամբ։ Սա պետք է անել միևնույն ժամանակ»,- ասաց Իսկանդարյանը։

Ադրբեջանի հայտարարություններում էլ Իսկանդարյանը որևէ նոր բան չի նկատում։

Ըստ քաղաքագետի՝ այժմ երկու կարևոր գործընթաց է տեղի ունենում․ Մինսկի գործընթացի վերականգնումը, որը մահացած էր 2016թ-ից հետո և բռնության նվազեցմանն ուղղված աշխատանքները։

Իսկանդարյանի կարծիքով՝ պատահական չէր Դավոսում ՀՀ վարչապետի և Ադրբեջանի նախագահի հանդիպումը։ «Դավոսում պատահական հանդիպումներ չեն լինում, գոյութուն ունեն արձանագրություններ, հատուկ ձևաչափեր նման հանդիպումների համար: Իսկ այն, որ Փաշինյանն ու Ալիևը նստել և պատմական որունումներով էին զբաղվում մեկուկես ժամ, դա տնային տնտեսուհիների համար է։ Գոյություն ունի գործընթաց, որի մասին պարոն Փաշինյանն ասել է», ասաց նա։

Իսկանդարյանի խոսքով, այս ֆոնին էլ տեղի է ունենում բռնությունների նվազում Ադրբեջանի կողմից։ Փորձ է արվում վերականգնել Մինսկի բանակցությունների ծրագիրը․ «Գոյություն ունեն փոխգործողություններ, որ տանում են դեպի պաշտոնական հանդիպում»,- նշեց Իսկանդարյանը։

Մանրամասները ՝ տեսանյութում.