Այսօր՝ 2020-07-10 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Սերժ Սարգսյանի հրաժարականից հետո, ես հասկացա, որ, իսկապես, շարժումն արդյունք է տալիս. Դավիթ Պետրոսյան

 

Սերժ Սարգսյանի՝ իշխանական ղեկին անվերջ լինելու հանգամանքը մեկ տարի առաջ՝ 2018 թվականի գարնանը, դժգոհություն արտահայտելու համար մարդկանց փողոց դուրս բերեց: Ու Հայաստանում փոփոխություններ տեղի ունեցան, որ հաճախ հեղափոխություն է ներկայացվում: Ե՞րբ սկսվեց գործընթացը, ովքե՞ր սկսեցին, ինչո՞ւ... Globnews.am-ը ներկայացնում է հարցազրույցների շարք՝ իրադարձությունների տարբեր մասնակիցների միջոցով փորձելով ներկայացնել ու բացատրել այն, ինչ տեղի ունեցավ 2018-ին, ինչ աշխարհին հայտնի դարձավ որպես թավշյա հեղափոխություն: Մեր զրուցակիցն է «ԵՊՀ Ռեստարտ» նախաձեռնության անդամ Դավիթ Պետրոսյանը:

-Որտե՞ղ և ինչպե՞ս Ձեզ համար սկսվեց հեղափոխությունը:

-Դե բուն պրոցեսի մասին. որ ամեն ինչ ստացվել ա, ես մինչև վերջ էլ չեմ հավատացել։ Բայց երևի արդեն ապրիլի 23-ին՝ Սերժ Սարգսյանի հրաժարականից հետո, ես հասկացա, որ, իսկապես, շարժումն արդյունք է տալիս։ Իսկ ամենակարևորներից մեկն իմ համար եղավ ամսի 16-ը, երբ Բժշկական համալսարանի դիմացի հատվածում բազմաթիվ ուսանողներ էին հավաքված, էդ աննախադեպ երևույթ էր, որովհետև այդ քանակի ուսանողներ երբեք չէին հավաքվել, ու դա հենց ամենաառաջին օրը։

-Ձեր կարծիքով՝ ովքե՞ր էին շարժման հեղինակները:

-Իմ կարծիքով չէ, ես գիտեմ՝ ոնց ա եղել էդտեղ։ Երեք խմբեր են եղել.․. մեկը «Քաղաքացիական պայմանագիր» խումբն էր, որ սկսեց քայլերթը Գյումրիից, դրան զուգահեռ էդ ժամանակ կար «Մերժիր Սերժին» նախաձեռնությունը՝ ամբողջովին անկախ, «Մերժիր Սերժին» նախաձեռնությունն իրազեկման երթը նույնիսկ ավելի շուտ տեղի ունեցավ, քան ՔՊ-ի քայլերթ սկսելը։ Բացի դրանից, կար ակտիվիստների խումբ, որոնք դեռևս հունվարից քննարկումներ էին անում՝ հասկանալու, թե ինչ կարելի ա անել ապրիլին Սերժ Սարգսյանի ընտրությունը կանխելու համար։

Հետո էս երեք խմբերը բնական ճանապարհով միավորվեցին, «Մերժիր Սերժին» ու «Քաղաքացիական պայմանագիր»-ը միավորվեցին ամսի 13-ին, երբ «Քաղաքացիական պայմանագիր»-ը մտավ Երևան՝ իր քայլերթի խմբով, այստեղ քաղաքացիական ակտիվիստների հետ միասին, քաղաքացիների հետ միասին, այսինքն՝ զուտ ասել, որ կուսակցություն մտավ այդքան էլ ճիշտ չի, հետո էդ բոլոր խմբերի միավորման արդյունքում էր, որ հաջողություն եղավ, ու սկզբից նրանց միջև համաձայնություն չի եղել։ Ամսի 15-ի առավոտյան նոր բոլոր խմբերը որոշեցին կազմակերպված սկսել ապակենտրոնացված շարժումը։

-Իսկ ո՞րն էր ակտիվիստների երրորդ խումբը:

- Սահակյան Սուրենը «Քաղաքացու որոշում» կուսակցության անդամ, Միսկարյան Գարեգինը, Թարվերդյան Արամ կար, Գևորգյան Վահեն, Վահագը Մինասյան, Նահապետյան Միքայելը, չէ Միքայելը չէ, Մինասյան Վահագը, Խաչատրյան Աշոտը։ Էդ փողոցներ փակելու գաղափարը Սահակյան Սուրենն ա առաջարկել: Ով որ հակառակ կարծիք ունի, կարամ իրանց հետ հանդիպեմ, ասեմ, որ տենց չի եղել, որովհետև ես ներկա եմ եղել քննարկմանը ամսի 15-ի առավոտյան:

«Քաղաքացիական պայմանագիր»-ը ամսի 13-ին մտավ Երևան ու «Մերժիր Սերժին» նախաձեռնությունը իրանց հետ միացավ, ամսի 13-ին մտան համալսարան, ռադիոյի դեպքը եղավ ու Օպերայում նստացույց էր, էդ ժամանակ, երբ մարդիկ քչանում էին, ամսի 15-ի առավոտյան որոշվեց փոխել մարտավարությունը ու էդ ժամանակ առաջարկվեց էդ փոխոցներ փակելու գաղափարը, որն առաջարկեց Սուրենը Սահակյան: Գարեգինը, Վահագը մետրոները փակելու գաղափարն առաջարկեցին, մոստերը փակելու։

-Ի՞նչ պայմաններում ընդունվեց որոշումը, ովքե՞ր էին քննարկման մասնակիցները:

-Ամսի 15-ին էդ հավաքին ներկա էին Նիկոլ Փաշինյանը, Խառատյան Արսենը, Սանասարյան Դավիթը, Գրիգորյան Արմենը, Նազարյան Լենան, Սահակյան Սուրենը, ես, Գևորգյան Վահեն, մոտավորապես իրանք են եղել և Արարատ Միրզոյանը

-Ճի՞շտ հասկացա. Այդ օրը գաղափարը առաջ քաշվեց Սահակյան Սուրենի կողմից:

-Հա, փողոցներ փակելու առաջարկը: Գարեգինը, Սուրոն, էդ գաղափարը դեռ հունվարին էր քննարկվում, բայց որ պետք էր շարժումը նենց լինի, որ ամեն մարդ հնարավորություն ունենա ինչ-որ մի բան անի տեղում, ու էդ ժամանակ մերժվեց, որ պետք ա անպայման գնալ Բաղրամյան 26 կամ ինչ-որ բան, որ ինչ-որ հարց լուծվի, որովհետև տենց կարող ա չլուծվի։

- Իսկ հեղափոխության Ձեր ուղին ո՞ րն էր, օրինակ, երբ ասում եք ՝ «մենք», խնդրում եմ ասեք՝ ո՞ւմ նկատի ունեք։ Մի քիչ ավելի լայն դիտարկենք:

-Մեր առաջին ուսանողական նախաձեռնությունը 2017թ․սկզբին էր ԵՊՀ-ում՝ առաջադիմության զեղչի հետ կապված, երբ Կարեն Կարապետյանը եկավ համալսարան ու մեր խնդրանքին, պահանջին ընդառաջ գնաց։ Դարանից հետո եղավ տարկետման նախաձեռնությունը։ Խոսքը 2016թ․ վերջին որոշուման մասին ա, ԵՊՀ-ում որոշվել էր, որ առաջադիմության զեղչերը պետք ա հանեն, այսինքն՝ բարձր բալ ունեցող ուսանողներին ամեն կիսամյակ 20 տոկոս զեղչ էին տալիս, բայց ԵՊՀ ռեկտորը հիմնավորելով, որ ֆինանսական սուղ միջոցներ կան, իրանք չէին կարա էդ առաջադիմության զեղչերը տրամադրեին: Որոշվեց, որ չեղյալ ա հայտարարվում ռեկտորի որոշումը, որովհետև այդ որոշման հիման վրա է էդ զեղչերը տրվում։

Մենք էդ ժամանակ նախաձեռնություն սկսեցինք, որ զեղչ ենք ուզում, համալսարանի բակում մի քանի քննարկումներ արեցինք, համալսարան ներս մտանք , նամակներ , դիմումներ հանձնեցինք, ու բողոքի ակցիայի վերջնական իրադարձությունը եղավ, երբ Կարեն Կարապետյանը եկավ ԵՊՀ, էդ քննարկման ժամանակ մենք էդ քննարկումն օգտագործեցինք մեր խնդիրը բարձրաձայնելու համար, ու ինքը ասեց, որ 3 օրում էդ հարցին լուծում կտա։ Մոտ 1 շաբաթ հետո որոշվեց, որ հին կարգով չէ, այսինքն՝ 20 տոկոս չէ, բայց 18-18,5-ը՝ 10 տոկոս, 18․5-19․5-ը՝ 15 տոկոս, , 19․5-20-ը՝ 20 տոկոս պետք ա զեղչ ստանան։ Էդ մեր առաջին նախաձեռնությունն ա եղել ուսանողական , որը սկսել ենք ես ու Կոստանյան Վահանը, որ հիմա «Քաղաքացիական պայմանագիր» կուսակցությունում ա։

Շարունակելի...

Հարցազրույցներն անց են կացվել GlobNews.am-ի՝ Հայաստանում տեղի ունեցած հեղափոխության պատճառների, հիմնական դերակատարների և հանգամանքների մասին պատմող վերլուծական նյութերի պատրաստման ընթացքում: Նյութերը պատրաստվել են ԵՄ կողմից ֆինանսավորվող «Բաց մեդիա հանգույց» ծրագրի աջակցությամբ: