Արդար չի լինի, որ շփման գծում եղած բոլոր տղաների զինգրքույկներում նշվի ապրիլյան մարտական գործողությունների մասնակից. Հրանտ Սարկիսով- տեսանյութ

Շփման գծում կան կետեր, որոնք ուղղակի մասնակից չեն եղել ապրիլյան քառօրյա մարտական գործողություններին: Այս մասին այսօր լրագրողների հետ զրույցում ասաց «Ապրիլյան մարտական գործողությունների մասնակիցներ» ՀԿ ներկայացուցիչ Հրանտ Սարկիսովը` անդրադառնալով հայտարարություններին, թե 2016 թվականի ապրիլ ամսին շփման գծում եղած բոլոր տղաների զինգրքույկներում պետք է նշվի` մասնակցել են ապրիլյան քառօրյա պատերազմին:

«Այսինքն` տվյալ շփման գծում սովորական մարտական հերթապահություն է իրականացվել: Ճիշտ ա` վտանգ եղել է, որ հակառակորդը կարող է անցնել լայնածավալ մարտական գործողությունների, բայց այդ վտանգը չի «արդարացվել»: Ուստի բերել մարտական հերթապահության մասնակցին տալ մարտական գործողությունների և քառօրյա պատերազմի մասնակից, էն բնագծում, որտեղ չի եղել ակտիվ ռազմական գործողություն, իմ կարծիքով ազնիվ չէ մյուսների նկատմամբ: Քանի որ տվյալ մանակիցները ուղղակի կանգնած են եղել կյանքի ու մահվան ջրբաժանին` կամ աջ, կամ ձախ»,- նշեց Սարկիսովը:

Նույն թեմային անդրադարձավ նաև «Ապրիլյան մարտական գործողությունների մասնակիցներ» ՀԿ անդամ Ժորա Աֆրիկյանը: Նրա խոսքով, զինգրքույկը փաստաթուղթ է, որի ամեն էջում ցանկացած նշում պետք է ունենա իր կարգավորումը: Իսկ տվյալ կարգավորումը դեռևս կառավարության որոշմամբ չկա:

Ավելին` տեսանյութում