Այսօր՝ 2020-06-04 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Ի՞նչ է ուզում Ջուլիան Ասանժը և ինչ կապ ունի նա Հայաստանի հետ (տեսանյութ)

 

Տեղեկատվական անվտանգության փորձագետ Սամվել Մարտիրոսյանը մեկնաբանել, թե ինչ կապ կարող է ունենալ WikiLeaks կայքի հիմնադիր Ջուլիան Ասանժը Հայաստանի հետ։

Հիշեցնենք՝ Էկվադորի դեսպանատանը 82 ամիս անցկացնելուց հետո WikiLeaks-ի հիմնադիրը ձերբակալվել է հինգշաբթի օրը բրիտանական ոստիկանության կողմից։ Միացյալ Նահանգները մեղադրում է Ասանժին ամերիկացի զինվորական Մենինգից ԱՄՆ-ի պաշտպանության նախարարության մասին գաղտնի տեղեկություններ ստանալու մեջ։

Սամվել Մարտիրոսյանի խոսքով, պետությունն իր գործունեությունը թաքցնում է՝ նշելով, որ դա ազգային անվտանգության հարց է, բայց իրականում ինչ իրենց ձեռքի տակ ընկնում է, գաղտնագրում են, և սա, ըստ փորձագետի, Հայաստանի համար ևս խդնրահարույց հարց է։

«Օրինակ, Հայաստանում կա օրենք, ըստ որի՝ հույժ գաղտնի փաստաթղթերը 30 տարի պետք է մնան գաղտնի և պետք է բացահայտվեն, եթե լրացուցիչ մի նոր որոշում չկայացվի: Ընդհանրապես գաղտնի փաստաթղթերը10 տարի են մնում գաղտնի, ապա գաղտնազերծվում: Հայաստանում ոչինչ չի գաղտնազերծվում: Տարիների ընթացքում նախարարությունները գաղտնագրում են ահռելի քանակի փաստաթղթեր, չգիտենք՝ որքան շատ են այդ փաստաթղթերը, որովհետև չկա վերահսկողություն և չեն գաղտնազերծում»,- ասում է Մարտիրոսյանը։

Ըստ փորձագետի՝ ամեն տարի ընդամենը 1 կամ 2 փաստաթուղթ է գաղտնազերծվում, ինչը նորմալ չէ:

«Կարծում եմ՝ ԱԺ-ն պետք է հատուկ հանձնաժողով ունենա, որը կվերահսկի գործադիրի գաղտնիության գործունեությունը, և կպահանջի փաստաթղթերը, որոնք արդեն գաղտնի չեն, որպեսզի գաղտնազերծվեն»,- նշում է Սամվել Մարտիրոսյանը։

Մանրամասները՝ տեսանյութում։