Այսօր՝ 2022-06-30 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Ինձ համար տարբերություն չկա մարդ սպանողի եւ կենդանուն դաժանորեն ծանակողի միջեւ. նման մարդը պետք է նստի. Զոհրաբյան

 

Մենք քրեականացնում ենք կենդանիների հանդեպ բռնությունը, վատ վերաբերմունքը, խեղումը, ծանակումը. Կենդանու հանդեպ բռնություն գործադրողը, կենդանուն նվաստացնողը պետք է կոնկրետ քրեական պատասխանատվություն կրի: Այս մասին Econews.am-ի հետ զրույցում նշել է ԲՀԿ խմբակցության պատգամավոր Նաիրա Զոհրաբյանը:

Նա տեղեկացրեց, որ կենդանիների նկատմամբ դաժան վերաբերմունքը քրեականացնող նախագիծ են դրել շրջանառության մեջ. «Մինչեւ 2003 թվականը շրջանառության մեջ եղել է նման նախագիծ, բայց չգիտես ինչու հանվեց, դա տարան վարչական իրավախախտումների օրենսգիրք, որտեղ ծիծաղելի տուգանքներ էին նախատեսված: Մենք խորհրդակցելով կենդանիերի պաշտպանության խնդիրներով զբաղվող մի շարք կազմակերպությունների հետ, նախագիծը կազմեցինք, այն արդեն դրվել է շրջանառության մեջ: Ես հույս ունեմ, որ կառավարությունը կտա դրական եզրակացություն»,-ասաց պատգամավորը՝ հավելելով, որ նախագծով նախատեսում են աշխատավարձի 300-ապատիկի չափով տուգանք, գումարած ազատազրկում մինչեւ մեկ տարի ժամկետով:

«Նման մարդը պետք է նստի բանտում, որովհետեւ միգուցե մի քիչ կոպիտ բան ասեմ, բայց ինձ համար տարբերություն չկա մարդ սպանողի եւ կենդանուն դաժանորեն ծանակողի միջեւ: Չկա տարբերություն, որովհետեւ եթե մարդն ընդունակ է կենդանու հանդեպ նման վերաբերմունք դրսեւորել, վստահ եղեք, որ այդ մարդը նաեւ մարդասպանության է ընդունակ»,- ասաց ԱԺ պատգամավոր Նաիրա Զոհրաբյանը: