Այսօր՝ 2020-06-04 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Երիտասարդ սերունդը գնահատում է Հայրենական մեծ պատերազմի հերոսներին և նրանց սխրանքը. ՀԱՍԱԿ

 

Մայիսի 14-ին «Ժողովրդի ձայնը» հասարակական ակումբը և «Հանուն սոցիալական արդարության» կուսակցությունը այցելել էին Հայաստանի վետերանների միություն:

Վերջիններս հանդիպել են Հայրենական մեծ պատերազմի վետերանների հետ և նվերներ են հանձնել նրանց:

Այցի ընթացքում վետերանները խոսել են իրենց անցած ճանապարհի և առօրյայի մասին: ՀԱՍԱԿ-ի նախագահ և «Ժողովրդի ձայնը» ակումբի փորձագետ Արման Ղուկասյանն իր ելույթում նշել է.

«Երիտասարդ սերունդն այսօր գնահատում է Հայրենական մեծ պատերազմի հերոսներին և իրենց կատարած սխրանքը: Վստահեցնում եմ ձեզ, որ մեզ համար Դուք բոլորդ հերոսներ եք, մեր հերոսներն եք, որոնց շնորհիվ մենք այսօր ունենք հաղթանակ, որը մեզ տվել է ապրելու իրավունք: Անձամբ ես և իմ ընկերները խոնարհվում ենք Ձեր առջև և մեր խորին շնորհակալությունն ենք հայտնում»:

Հանդիպման ընթացքում նաև խոսեցին պատերազմի մասնակիցներ Պետրոս Պետրոսյանը և Ռոզալյա Աբգարյանը: Նրանք նշեցին, որ իրենց համար մեծ նշանակություն ունի այն, որ երիտասարդ սերունդը հիշում և գնահատում է իրենց:

ՀԱՍԱԿ փոխնախագահ և ԺՁ փորձագետ Ծովինար Կոստանյանն իր խոսքում նշեց. «Այսօր մենք բոլորս ականատես ենք լինում նրան, որ ամենուրեք փորձ է կատարվում կեղծել պատմական ճշմարտությունը և ներկայացնել պատմական փաստերը խեղաթյուրված: Մեզ փորձում են համոզել, որ այս հաղթանակն ապահովել է ոչ թե Սովետական Միությունը, այլ Արևմուտքը՝ նշելով, որ Խորհրդային պետությունները ուղղակի չնչին դեր են ունեցել հաղթանակի հասնելու գործում: Երիտասարդ սերնդի գլխավոր նպատակն է թույլ չտալ, որպեսզի մեր պապերի հաղթանակը որևիցե մեկը փորձի իրենով անել»:

Հանդիպման ավարտին ներկաները պայմանավորվեցին, որ նման հանդիպմուները հաճախակի լինեն և երիտասարդ սերունդ-վետերաններ կապը լինի ամուր:

Նշենք, որ «Հանուն սոցիալական արդարության» կուսակցությունը հիմնադրվել է 2016 թվականին: Ինչպես հռչակել է կուսակցությունը, իրենց գլխավոր նպատակն է պայքարել Հայաստանում սոցիալական անարդարության մթնոլորտի վերացման, հուն ժողովրդի բարեկեցիկ կյանքի: «Ժողովրդի ձայնը» հասարակական ակումբը գործում է 2017 թվականից