Այսօր՝ 2020-05-29 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Պատանի մարզիկները վերադարձել են Մոսկվայից

 

Մոսկվայում մայիսի 31-ից հունիսի 2-ը տեղի է ունեցել միջազգային օլիմպիական ֆորում, որին մասնակցում էին պատանի մարզիկներ տարբեր երկրներից: Այս մասին հայտնում է ՀԱՕԿ-ի պաշտոնական կայքը:

Հայաստանը ներկայացնում էին ձյուդոիստ Գոռ Դավթյանը, աթլետ Ռաֆիկ Օհանյանը, լողորդ Վարսենիկ Մանուչարյանը եւ Մարինա Գալստյանը (սեղանի թենիս):

Ֆորումի հիմնական նպատակը պատանի մարզիկների մեջ արդար եւ մաքուր սպորտի գաղափարի սերմանումն է: Ֆորումի սկզբում մասնակիցներին ռուս հայտնի մարզիկիները ծանոթացրին օլիմպիզմի գաղափարներին, սպորտի պատմության եւ հակադոպինգային կանոնների հետ: Դրանից հետո անցկացվեց նաեւ վիկտորինա: Հայաստանի եւ Բելառուսի մարզիկները վիկտորինային մասնակցեցին միասնական թիմով եւ 10 մասնակիցների մեջ գրավեցին երրորդ տեղը՝ 45 հարցից ճիշտ պատասխանելով 42-ին:

Ֆորումի վերջում պատանի մարզիկների համար անցկացվեց 5 ժամանոց մշակութային տուր՝ Մոսկվա գետով, որտեղ նրանք ծանոթացան Մոսկվայի պատմությանը: Ֆորումի ավարտից հետո հայ մարզիկները վերադարձան Հայաստան: