Այսօր՝ 2022-06-30 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Երկրում աղքատություն ծնող պատճառներից շարունակում է մնալ գործազրկության բարձր մակարդակը. ՀՅԴ

 

ՀՅԴ Հանրային կապերի գրասենյակը հաղորդագրություն է տարածել, որտեղ ներկայացնում է մասնագիտական ոլորտային հանձնախմբերի՝ Սոցիալական քաղաքականության արդյունքների մեկամյա ամփոփ վերլուծությունը:

«Իշխանափոխությունից հետո անցել է մեկ տարի, սակայն մեր երկրում աղքատություն ծնող հիմնական պատճառներից են շարունակում մնալ գործազրկության խրոնիկ բարձր մակարդակը, աշխատանքի վարձատրության ցածր մակարդակն ու աշխատող աղքատների պահպանվող բարձր ցուցանիշը: Անապահով ընտանիքները հայտնվում են աղքատության ցիկլում՝ այդ ընտանիքներում մեծացող երեխաները չեն ստանում բավարար սնունդ, որակյալ կրթական և առողջապահական ծառայություններ, որի արդյունքում նրանք և նրանց ընտանիքները ապագայում ևս դատապարտված են աղքատության:

Ակնհայտ է նաև՝ առանց պետության ուղղակի մասնակցության և ակտիվ պետական աջակցության անհնար է լիարժեք գործադրել առկա այն ներուժը, որը կայուն զբաղվածության միջոցով ի զորու է կրճատել աղքատ ընտանիքների թիվը, հետևողականորեն նաև՝ բարելավել մարդկանց կյանքի որակն ու բարեկեցությունը:

Հետևաբար, սոցիալական աջակցության պասիվ՝ նպաստի քաղաքականությունից պետք է կտրուկ անցում կատարել աղքատության հաղթահարման, զբաղվածության խթանման ակտիվ՝ արդյունքի միտված քաղաքականության: Իրականում պետք է լիարժեք ապախթանվի ամեն գնով նպաստ ստանալու առկա ձգտումները՝ ի հաշիվ օրինական աշխատանքի կամ ինքնազբաղվածության»։