Այսօր՝ 2022-06-30 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Կոկորդիլոսը չունի ստամոքս, ունի քարաճիկ, ինչ-որ ժամանակ նրանք թռել են. Արարատի մարզպետ (տեսանյութ)

 

Արարատի մարզում կոկորդիլոս բուծելու և զուգահեռ էկոայգի կառուցելու ներդրումային ծրագիրը չի չեղարկվել։ Այս մասին այսօր ԱԺ-ում լրագրողների հետ զրույցում ասել է Արարատի մարզպետ Գարիկ Սարգսյանը։

«Գործընթացը ընթացքի մեջ է, կարող եք ներդրողին հարցեր ուղղել, մենք պայմանավորվածություն ունենք, որ անպայման ամեն ինչ անելու ենք, որպեսզի չխոչընդոտենք, որ ներդրումն անպայման լինի», - նշել է մարզպետը։

Գարիկ Սարգսյանը հայտարարել է, որ աղմուկից հետո ներդրողը չի փոշմանել, ընդհակառակը, ավելի պատրաստակամ է, ամեն ինչ կանեն՝ ներդրումային ծրագիրը կյանքի կոչելու համար։

«Ես սնահավատ չեմ, բայց այդ ծրագրին «աչքով տվողներ» կարող են լինել՝ բնապահպանական ինչ-որ խնդիր բարձրացնողները», - ասել է մարզպետը։

Ըստ նրա, հարցը հետևյալն է՝ կոկորդիլոսի ձվի ներմուծման մաքսային կոդ չկա, ներմուծվում է թռչնի թվի անվան տակ, բայց իրականում դա կոկորդիլոսի ձու է։

«Այսինքն՝ չունենք մաքսային կոդ նախատեսված կոկորդիլոսի ձվի մասով, մենք ունենք միայն թռչնի ձվի մասով։ Ներմուծվում է թռչնի թվի անվան տակ, բայց իրականում դա կոկորդիլոսի ձու է»,- նշել է Գարիկ Սարգսյանը։

Մարզպետը պարզաբանել է, որ կոկորդիլոսն իր ամբողջ կազմվածքով, օրգանիզմով, օրգան-համակարգով մոտ է թռչուններին, կոկորդիլոսը չունի ստամոքս, ունի քարաճիկ, այսինքն՝ ինչ-որ ժամանակ նրանք նույնիսկ թռել են։

Մանրամասները՝ Factor.am-ի տեսանյութում