Այսօր՝ 2020-05-28 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Չնայած կոտրվածքին՝ հեծանվորդ Էդգար Ստեփանյանը շարունակում է մարզվել

 

Հայաստանի առաջատար հեծանվորդ Էդգար Ստեփանյանը Մոսկվայում կայացած Գրան պրիի ժամանակ ձեռքի կոտրված է ստացել:

ՀԱՕԿ լրատվականի հետ զրուցում Ստեփանյանի մարզիչ Արմեն Գյոզալյանը պատմել է.

«Մոսկվայի մրցումների ժամանակ Էդգարը օմնյում ձևի խմբակային վազքին էր հասել: Բավական լավ արդյունք ուներ: Երկրորդ շրջանում բելառուս մարզիկի հեծանիվի շղթան պոկվեց: Էդգարն էլ այդ արագության տակ հազիվ կարողացավ ձեռքով մեղմել անկումը՝ հակառակ դեպքում ավելի լուրջ ու վտանգավոր հետևանք կարող էր լինել:

Էդգարի ձեռքն այժմ գիպսի մեջ է: Նա «Օլիմպավանում» է: Բժիշկ Դավիթ Մոսինյանը նրա կողքին է, հնարավոր ամեն ինչ անում է: Չնայած կոտրվածքի՝ Էդգարը շարունակում է մարզումները հատուկ մարզասարքերի վրա: Մարզավիճակ ենք պահում: Նա բնավորությամբ մարտիկ է: Ասում է, եթե կես տոկոս հնարավորություն էլ լինի՝ մասնակցելու ենք Եվրոպական խաղերին: Վաղը պետք է նորից ստուգումներ անցնենք և գիպսը փոխարինենք բեկակալի, որը հնարավորություն կտա բռնել հեծանիվի ղեկը: Տրամադրությունը մարտական է: Լավատեսորեն ենք տրամադրված»: