Այսօր՝ 2020-07-15 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Ինչպես երեխային նախապատրաստել դպրոցին. Հոգեբանական և ֆիզիկական խնդիրների հետքերով

 

Դպրոց գնալուց առաջ երեխայի համար առաջնային է քնի ռեժիմի կարգավորումը, քանի որ շատերը ամառվա ընթացքում ունեն խախտված քնի ռեժիմ: Այս մասին այսօր «Զարկերակ» մամուլի ակումբում հրավիրված ասուլիսի ընթացքում ասաց «Գրիգոր Նարեկացի» ԲԿ նորածնային բաժանմունքի վարիչ, մանկաբույժ, բ.գ.թ. Մարի Դարակչյանը: Նրա խոսքով, ծնողները երեխայի քնի ռեժիմը պետք է փորձեն կարգավորել ոչ թե օգոստոսի 30-31-ին, այլ սեպտեմբերի մեկից 10 օր շուտ: Բժիշկը նշում է, որ երեխայի համար լիարժեք քունը տևում է 9 ժամ:

«Շատ կարևոր է, թե երբ է երեխան սկսում քնել. Երեխան պետք է քնի գիշերը ժամը 22.00-ից ոչ ուշ: Հետևաբար պետք է փորձել ընտանիքի ռեժիմը կարգավորել այնպես, որ երեխան ժամը 22.00-ին պատրաստ լինի քնելու: Կարևոր է նաև սննդի հարցը, որովհետև առավոտյան հենց գիշերվա վատ քնի հետևանքով առավոտյան երեխաները չեն կարողանում ժամանակին արթնանալ և բաց են թողնում մի շատ կարևոր կետ՝ նախաճաշը: Պետք է ամեն ինչ անել, որ երեխան առավոտյան լիարժեք նախաճաշի: Քանի որ հենց այդ փուլից է սկսվում նորմալ նյութափոխանակությունը: Բացի այդ ծնողները երեխաների հետ պետք է ուղարկեն սնունդ, որը չպետք է լինի քաղցր ինչ-որ բան, այլ պետք է պարունակի սպիտակուցներ, ճարպեր և նաև միրգ ու բանջարեղեն: Պետք է բացառել ապխտած սննդի առկայությունը երեխայի դպրոց տարվող սննդում»:

Բժիշկը նշում է, որ բացի քնի կարգավորված ռեժիմից և ճիշտ սննդակարգից, պետք է ուշադրություն դարձնել նաև երեխայի ծանրաբեռնվածությանը: «Պետք չէ ճնշել երեխաներին դասապատրաստման ընթացքում, քանի որ երեխաները ամռան ընթացքում հանգստի ռեժիմի մեջ են, և դասերից հետո մի փոքր հանգիստը երեխաներին միանշանակ ցուցված է: Իսկ դասապատրաստման ընթացքում 15 րոպեն մեկ ընդմիջում է պետք երեխային, քանի որ այդ ժամանակահատվածում ցածրանում է երեխայի ընկալողականությունը»:

Երկարատև արձակուրդից հետո երեխայի համար բարդ է ծանրաբեռնված ռեժիմի անցումը նաև հոգեբանական տեսանկյունից: Հոգեբան Աշխեն Մկոյանի խոսքով, հատկապես առաջին դասարան գնացող երեխաների դեպքում մեկ ամսից ավելի երկար ժամանակահատվածում ծնողը պետք է երեխային նախապատրաստի ծանրաբեռնված ռեժիմին: «Շատ կարևոր է, որ երեխան պատրաստ լինի դպրոց գնալուն, քանի որ խաղի ռեժիմից արդեն ավելի պատասխանատու ռեժիմի անցումը կարող է երեխային սթրեսի ենթարկել: Դրա համար օգոստոս ամսվա ընթացքում պետք է երեխաներին նախապատրաստել էն առաջադրանքներին, որոնք երեխան անելու է դպրոցում: Օրինակ՝ ծնողը երեխային կարող է առաջադրանք տալ մինչև հաջորդ օրը սովորել մի փոքրիկ ոտանավոր»:

Հոգեբանը կարևորում է նաև ծնողի էմոցիոնալ վիճակը: «Կարևոր է, թե ինչպես է ծնողը պատկերացնում սեպտեմբերի մեկը, ինչպես է նախապատրաստվում: Որովհետև երեխաները շատ բան չեն հասկանում, ուղղակի տեսնում են՝ ծնողը լարված է, իրենք էլ սկսում են մտածել՝ վատ բան ա դպրոցը: Կարևոր է, որ երեխայի մոտ սեր արթնանա դպրոցի հանդեպ»: