Այսօր՝ 2020-06-06 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Արցախի անկախությունը ոչինչ չի տալու, բացի պառակտումից. Արա Պապյան

 

Եթե Արցախը Հայաստանի մասը չլիներ, ապա մեր զորակոչիկները Արցախում չէին ծառայի, կամ Արցախում ատեստատ ստացած աշակերտները Հայաստանի բուհերում չէին սովորի: Այս մասին այսօր «Զարկերակ» մամուլի ակումբում հրավիրված ասուլիսում ասաց քաղաքագետ Արա Պապյանը:

Քաղաքագետի խոսքով, Արցախի քաղաքացին ՀՀ քաղաքացի է, և մարդիկ, ովքեր հանդես են գալիս սուբեկտայնության գաղափարով, զուտ անձնական նպատակներ են հետապնդում: «Ավելին ասեմ, դա հակապետական, հակազգային, պրոադրբեջանական տեսակետ ա, որը պառակտում է հայ ժողովրդին: 1991 թվականին, երբ հռչակվեց «Անկախ Արցախի» քաղաքականությունը, մեզ համոզում էին, որ դա ավելի ճիշտ ա, որովհետև էդպես ավելի հեշտ ա, որ անկախության ճանապարհով կարելի է գնալ միացման: Բայց պատմության մեջ չկա դեպք, որ 2 կայացած պետություններ միավորվեն, թեկուզ նույն ազգի լինեն»,- նշեց Արա Պապյանը:

Եթե անգամ Արցախի անկախությունը պայմանականորեն 50 երկիր ճանաչի, քաղաքագետ խոսքով, դա ոչինչ տալու Արցախին: «Դա արդյոք իրավունք չի վերապահելու Ադրբեջանին՝ հարձակվելու Արցախի վրա, ոչ մի նման բան չկա: Մենք տեսնում ենք, որ ճանաչված պետությունները իրար հետ պատերազմում են: Եթե նույնիսկ Ադրբեջանը ճանաչի Արցախի անկախությունը, չնայած դա անհնար ա, բայց եթե ընդունի, էդ էլ պատերազմը չի զսպի: Փոխադարձ ճանաչում ունեցող երկրներն էլ են իրար հետ կռվում: Այսինքն՝ Արցախի անկախությունը ոչինչ չի տալու, բացի պառակտումից: Ավելին ասեմ, այդ ճանաչումը ավելի դժվար ա, քանի միացումը: Շատ երկրներ կան, որոնք իրենց խնդիրներն ունեն, և իրենց համար ճանաչել Արցախի անկախությունը, դառնում է նախադեպային: Նոր պետության ճանաչումը իրավական նախօրինակ ա, ու օրինակ Ամերիկայի նահանգներն էլ կարող են ասել, որ անկախանում են»:

Արա Պապյանը նշում է, որ երկրորդ թեզը, ըստ որի՝ Արցախի անկախացումից հետո Հայաստանը զերծ կմնա արտաքին ճնշումից, ևս արդարացված չէ: «Օրինակ՝ Տավուշի մարզի սահմանը շատ ավելի վտանգավոր ու անկայուն ա, քան Արցախի մի որևէ հատված: Էնտեղ շատ ավել գնդակոծումներ կան, և գյուղերը շատ ավելի մոտ են սահմանին, քան Արցախի որևէ գյուղ: Անգամ ամենամոտ գյուղը, որ Թալիշն է, 2-3 կմ հեռու է սահմանից, իսկ մենք Տավուշում ունենք գյուղեր, որ 500-800 մետրի վրա են գտնվում հակառակորդի սահմանից»,- նշեց Արա Պապյանը: