Այսօր՝ 2020-07-15 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Հայաստանը Չիկագոյում կայանալիք մրցումներին ներկայացնելու հնարավորություն. արժեքը՝ 3000 դոլար

 

Հոկտեմբերի 17-ին մենք մասնակցելու են Չիկագոյում կայանալիք power lifting-ի աշխարհի մրցաշարին, և քանի որ power lifting-ը (ուժային եռամարտ) չի համարվում օլիմպիական մարզաձև, մենք կանգնել ենք ֆինանսական մեծ խնդրի առաջ: Շատ հաճախ մարզիկներն իրենց ֆինանսական միջոցներով են մեկնում արտերկիր՝ մրցույթներին մասնակցելու: Այս մասին այսօր «Զարկերակ» մամուլի ակումբում հրավիրված մամուլի ասուլիսի ընթացքում ասաց WPAU ֆեդերացիա մարզիկ, WPAU FEDERACIAYI SUBMASTERS-ի Եվրոպայի ռեկորդակիր, Աշխարհի և Եվրոպայի չեմպիոն, ՀՀ բազմակի ռեկորդակիր և գավաթակիր Հայկ Բարսամյանի խորհրդատու Դիանա Իվանյանը:

Հայկ Բարսամյանը հայաստանցի միակ մարզիկն է, ով մասնակցելու է Չիկագոյում կայանալիք մրցաշարին: Դիանա Իվանյանը նշում է, որ այս պահին իրենք փնտրում են ֆինանսավորող, ով ֆինանսավորի Հայաստանի ներկայացուցչին: «Հայաստանից գնալ-գալու, հյուրանոցի և անդամավճարի համար մոտավորապես 3000 դոլար գումար է անհրաժեշտ: Որպես պետական աջակցություն այս պահին միայն ֆեդերացիայց ունենք, որ մարզիկին տրամադրում է անհրաժեշտ համազգեստ: Օլիմպիական կոմիտեն խոստացել ա, որ միայն մարզահագուստով կօգնի»:

Մարզիկն օգնության համար Հայաստանի կրթության, գիտության, մշակույթի և սպորտի նախարարությանը չի դիմել, քանի որ մի տասնյակ անգամներ մերժվել է: «Մի քանի կազմակերությունների նամակով դիմել ենք, սակայն անպատասխան: Քանի որ մարզաձևը օլիմպիական չի, պետությունը չի ֆինանսավորում: Մեր ֆեդերացիաները պետությունից հատկացումներ չունեն, եթե ունենային, ապա ֆեդերացիան կհոգար պահանջները: Այս պահին նամակ ենք ուղղել Չիկագոյի հայ համայնքին, և այնտեղ պատրաստ են դիմավորել մեր մարզիկին, քանի որ Հայաստանից միակ մարդն ա, որ գնալու ա, աջակցություն կունենա օտար երկրում: Կեցության համար ևս դիմել ենք, սակայն իրենք միայն կարող են դիմավորել և օգնել կացության համար վայր գտնել: Դե քանի որ մեր գտած հյուրանոցը շատ թանկ էր, իրենք օգնեցին կես գնով հյուրանոց գտնել»: