Այսօր՝ 2020-06-04 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Արցախի ՏԻՄ ընտրությունների քվեարկությանը մասնակցել է ընտրողների 65,4 %-ը. նոր մանրամասներ ընտրված թեկնածուների մասին

 

ԱՀ կենտրոնական ընտրական հանձնաժողովում արդեն ամփոփվել են տարածքային ընտրական հնձնաժողովներից ստացված տեղեկությունները:

«Արցախպրես»-ի հաղորդմամբ՝ այս մասին՝ քիչ առաջ լրագրողների հետ ճեպազրույցում ասել է ԱՀ Կենտրոնական ընտրական հանձնաժողովի նախագահին փոխարինող Եղիշե Արզումանյանը:

Ըստ արդյունքների՝ Ստեփանակերտում հաղթել է Դավիթ Ալբերտի Սարգսյանը, ում օգտին՝ 21 հազար 609 քվեարկողներից կողմ է քվեարկել 7787 քաղաքացի, որը կազմում է 36 %:

Խոսելով շրջկենտրոններում ընտրված թեկնածուների մասին՝ Ե. Արզումայնայը տեղեկացրել է, որ Շուշիում ընտրվել է գործող քաղաքապետ Արծվիկ Աշոտի Սարգսյանը, ում օգտին քվեարկել է 899 քաղաքացի, Բերձորում՝ Նարեկ Սամվելի Ալեքսանյանը՝ 306 կողմ ձայնով, Մարտունիում՝ Հայկ Կարոյի Սարգսյանը՝ 1292 կողմ քվեով, Ասկերանում՝ գործող համայնքի ղեկավար Սամվել Մարտիի Աղաջանյանը՝ 469 կողմ ձայնով, Հադրութում՝ Վահան Վահանի Սավադյանը՝ 676 քվեով: 210 կողմ ձայնով Քարվաճառի քաղաքապետ է ընտրվել Սերգեյ Արամի Չիլինգարյաը, իսկ Մարտակերտում՝ 511 քվեով, Միշա Գրիգորիի Գյուրջյանը:

«Համեմատած նախորդ տարիների ընտրությունների հետ՝ ընտրողների մասնակցությունը բավականին բարձր էր ոչ միայն Ստեփանակերտում, այլև՝ ողջ հանրապետությունում: Ընդհանուր առմամբ՝ հանրապետությունում կայացած ՏԻՄ ընտրությունների քվեարկությանը մասնակցել է ընտրողների 65,4 %, Ստեփանակերտում՝ 55,4 %. այդ ցուցանիշը մոտ 11%-ով բարձր է նախորդ ընտրությունների արդյունքներից»,-մասնավորապես ասել է Ե. Արզումանյանը:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -18-: