Այսօր՝ 2020-09-21 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Կոռուպցիոն սխեմա համար մեկ. երեկ բորսայում վաճառվել է ռեկորդային թվով Լիդիանի բաժնետոմս

 

Սևան Ղազարյանը ֆեյսբուքյան իր էջում գրում է․

«Կոռուպցիոն սխեմա # 1

Երեկ բորսայում վաճառվել է ռեկորդային թվով Լիդիանի բաժնետոմս (6.92 մլն հատ)։ Տարօրինակ աժիոտաժ Լիդիանի բաժնետեմսերի շուրջ սկսեց դեռ օգոստոսի 8-ից երբ Փաշինյանը դեռ չէր անդրադարձել Ամուլսարին։ Առքուվաճառքի ծավալը (trade volume) գրանցում էր միջինը գերազանցող ցուցանիշ ՄԻՆՉ Նիկոլի լայվերը և աղմուկը։

Ենթադրենք դուք կառավարության անդամ էք։ Ասենք՝ նախարար կամ փոխվարչապետ։ Գիտեք որ Ամուլսարի հարցը ձգձգվելու է։ Հարցը առկախված է։ Բայց նապապես տեղյակ էք կայացվելիք որոշումից։ Փաշինյանի տրամադրությանը ծանոթ էք։ Կարծում էք առկա անորոշության պայմաններում Լիդիանի բաժնետոմսի գինը կարճաժամկետում հեռանկարում կընկնի։ Ազնիվ էք։ Լիդիանի բաժնետոմս չունեք։ Աղքատ էք։ Բայց ուզում էք օդից փող բռնել։ Կապվում էք ինչ-որ բրոքերի հետ։ Փող չունեք։ Բրոքերին խնդրում էք պարտքով Լիդիանի բաժնետոմսեր ձեռք բերել։ Պարտքով վերցնել ու անմիջապես վաճառել։ Բրոքերը ինվեստիցիոն բանկից պարտքով x քանակի բաժնետոմս է խնդրում ու խոստանում վերադարձնել y օրից: Բրոքերը պարտքով վերցված բաժնետոմսերը միանգամից վաճառում է և սպասում որ Լիդիանի գինը կընկնի։ Անցնում է y օր և Լիդիանի գինը ընկնում է։ Բրոքերը էժանով գնում է x քանակի բաժնետոմս և վերադարձնում ինվեստիցիոն բանկին։ Արդյունքում ձեր բրոքերային հաշիվը աննախադեպ աճ է արձանագրում։ Դուք այլևս աղքատ չէք։ Աշխատավարձի հույսին չէք։ Պետությունից չէք գողացել։ Ազնիվ քաղաքական գործիչ էք։ Ընդամենը ֆինանսական շուկայում կարճ էք մտել (short selling), զբաղվել էք կարճաժամկետ սպեկուլյացիայով։ Պետությանը վնաս չեք տվել։ Ամեն ինչ թավշյա և ոչ բռնի...

Հ.Գ.

Insider trading-ը քրեորեն պատժելի արարք է ԱՄՆ-ում։ Հետաքրքիր է մեր ԱԱԾ-ն զբաղվու՞մ է նման հարցերով»։