Այսօր՝ 2020-07-13 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Թրամփ. ԱՄՆ-ը կարող է շատ խիստ պատժամիջոցներ կիրառել Թուրքիայի դեմ

 

ԱՄՆ-ն կարող է շատ խիստ պատժամիջոցներ կիրառել Թուրքիայի դեմ: Այս մասին նախօրեին հայտարարել է ԱՄՆ նախագահ Դոնալդ Թրամփը՝ Սպիտակ տանը պատասխանելով լրագրողների հարցերին։ Այս մասին գրում է Tass-ը։

«Հուսով եմ, որ երեք տարբերակից վերջինը կլինի»,-ասել է Թրամփը՝ նկատի ունենալով Թուրքիայի և քրդերի միջև երկխոսությունը։

«Մենք Սիրիայում զինվորներ չունենք, մենք հաղթեցինք «Իսլամական պետությանը»։ Վերջին բանը, որ ես կցանկանայի անել, կրկին հազարավոր զինվորներ ուղարկելն է և կրկին բոլորին հաղթելն է: Մենք իրոք ունենք երկու տարբերակ՝ ռազմական կամ շատ կոշտ բաներ անել Թուրքիայի հետ ֆինանսական հարթությունում։ Պատժամիջոցները հեշտ կլինի: Մենք լավ հարաբերություններ ունենք քրդերի հետ, և հուսով եմ, որ կարող ենք միջնորդել»,-ասել է Թրամփը։

Թրամփը նշել է, որ չի կարծում, թե ամերիկացիները ցանկանում են, որ իրենք գնանք ռազմական ճանապարհով:

«Մենք հաղթեցինք և դուրս եկանք տարածքից։ Մենք կտեսնենք, թե ինչ տեղի կունենա: Կարող ենք ինչ-որ կոշտ բան ձեռնարկել` պատժամիջոցներ կամ ֆինանսական այլ քայլեր»,- ասել է Սպիտակ տան ղեկավարը:

Հիշեցնենք, որ հոկտեմբերի 9-ին Անկարան հայտարարեց Սիրիայի հյուսիսում նոր ռազմական գործողություն՝ «Խաղաղության աղբյուր»: Նպատակը Սիրիայի հյուսիսում բուֆերային գոտի ստեղծելն է, որը պետք է դառնա պաշտպանիչ գոտի Թուրքիայի սահմանի համար, և որտեղ, Անկարան նախատեսում է բնակեցնել սիրիացի փախստականներին։