Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Չե՞ն հնացել արդյոք Ռուսաստանի դեմ կիրառվող ամերիկյան պատժամիջոցները

 

ԱՄՆ-ի կողմից Ռուսաստանի նկատմամբ գործածվող տնտեսական պատժամիջոցները եթե նույնիսկ կարողացան արժեզրկել ռուսական ռուբլին ու առաջ բերեցին ֆինանսական ճգնաժամ այս երկրում, միջազգային ասպարեզում Ռուսաստանի վարքը փոփոխության ենթարկելու հնարավորություն չունեցան, գրում է «Ամերիկայի Ձայն»-ը։

Ինչպես Ռուսաստանում ԱՄՆ-ի նախկին դեսպան Ջոն Հանթսմանն է գրել ‘’Ուոլ Ստրիթ Ջոուրնալ’’ պարբերականում, պատժամիջոցներն ԱՄՆ-ը դարձնում է արտաքին քաղաքականության վրա ազդեցություն գործադրելու գործիք, սակայն միշտ չէ, որ այդ գործիքը կարողանում է կատարել իր գործը:

Այլ վերլուծաբաններ, ինչպես Յուվալ Ուեբերը, կարծում են, որ գործիքը ճիշտ է ընտրված, պարզապես այն ճիշտ ձեւով չէ, որ կիրառվում է: Նրա կարծիքով, քանի որ պատժամիջոցները կիրառվում են ամեն դեպքի համար առանձին-առանձին, չեն կարողանում ուղիղ ազդեցություն թողնել Պուտինի վարած ամբողջ արտաքին քաղաքականության վրա:

Արդյունքում ռուբլու արժեզրկումը ու 2014-2015 թվականների ֆինանսական ճգնաժամն իրենց ծանր հարվածն են հասցնում ժողովրդի մեծամասնությանը: Մյուս կողմից պատժամիջոցները թույլ են տալիս Պուտինին ամրացնել իր ներքին շրջանակները եւ արդարացնել Միացյալ Նահանգներին որպես չարիք ներկայացնելու իր քաղաքականությունը:

Բացի այդ, Օբամայի եւ Թրամփի վարչակազմերն այլ տեսանկյուններից են մոտեցել ու մոտենում պատժամիջոցներին, ինչը կրճատում է դրանց արդյունավետությունը:

Այսինքն` եթե ոչ մեկ, ոչ էլ մյուս վարչակազմին չի հաջողվել պատժամիջոցներն ուժի մեջ դնել այնպես, որը ստիպեր Ռուսաստանին փոխել իր վարքագիծը միջազգային ասպարեզում, գուցե ժամանակն է, որ ԱՄՆ-ի օրենսդիրները հարց տան, թե արդյոք պատժամիջոցները չեն հնացել, եւ թե արդյոք դրանց շրջանակը կամ նպատակները չեն պահանջում լուրջ վերանայում: