Այսօր՝ 2021-11-30 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Որտեղի՞ց կամ ո՞վ է վարչապետին վիճակագրություն հրամցնում

 

Զավեշտալի են իրավիճակները, երբ պետության մի ձեռքը մյուսից անտեղյակ է, կամ երբ պոպուլիզմն ու մեքենայությունները բացահայտ դրսևորումներ ունեն։ Սակավ չեն դեպքերը, երբ անգամ նույն օրը, նույն թեմայի վերաբերյալ հրապարակվող տվյալներն իրարից ոչ միայն տարբերվում են, այլ մեկը մյուսի ֆոնին հստակ հիշեցում է պոպուլիզմի, ոչ կոմպետենտության, հասարակության աչքիս թոզ փչելու այդպես էլ չհնացող մոտեցումների մասին։

Հայաստանի վարչապետ Նիկոլ Փաշինյանը «Ի՞նչ անել-2. տնտեսական հեղափոխություն. ընկալումը եւ գործարկումը» գիտագործնական խորհրդաժողովի ժամանակ հայտարարեց, թե «Այս տարի Անկախության օրվա տոնակատարությունները տեղի ունեցան Գյումրիում, սեպտեմբերի 21-ին 15.000 մարդ գնաց Գյումրի: Նրանք, ովքեր եղել են Գյումրիում այդ օրը, կարող են վկայել, որ ռեստորաններում, սրճարաններում շատ մեծ շարժ կար։ Ինձ համար հետաքրքիր էր, թե Գյումրիում սեպտեմբերի 21-ին առեւտուրն ինչ շարժ էր արձանագրել։ Պարզվեց, որ նույն քանակի ՀԴՄ կտրոն է տպվել, ինչ նախորդ օրերին»։

Նիկոլ Փաշինյանն այլ համատեքստում բերել էր մի թիվ, որի վերաբերյալ մեկ այլ, կրկին պաշտոնական աղբյուր, այլ իրողություն է նշում։

«Զբոսաշրջության զարգացման հեռանկարները» թեմայով ֆորումի ժամանակ Շիրակի տուրիզմի զարգացման և հետազոտական կենտրոնի համակարգող Նաիրա Գրիգորյանը հրապարակել է իրենց հետազոտությունների արդյունքները Գյումրու տոնին ու Անկախության տոնին Գյումրի այցելած զբոսաշրջիկների թվաքանակի վերաբերյալ։ Ըստ այդմ, Գյումրու տոնին ՝ օգոստոսի 25-ին քաղաքն ունեցել է 4000-ից ավելի զբոսաշրջիկներ, որոնցից ընդամենը 300-ն է մնացել Գյումրիում։ «․․․Ամսի 21-ին էլ ավելի մտահոգիչ ցուցանիշներ են արձանագրվել․ ակնկալվում էր 15 հազար զբոսաշրջիկ, բայց ունեցանք ընդամենը 7000-7100 զբոսաշրջիկ։ 7000-ից Գյումրիում մնացել են ընդամենը 2100 զբոսաշրջիկ»,- նշել է Նաիրա Գրիգորյանը։

Հստակ է, որ ներկայացված երկու թվային տվյալները անգամ մոտ չեն իրար, որպեսզի սխալանքի կամ հնարավոր մոտավոր տվյալների հրապարակման հիմքով ընդունելի համարենք։ Հասկանալի է, որ հրապարակված երկու տվյալներից մեկը ոչ միայն սխալ է, այլև կեղծ, քանի որ երկու հրապարակումների դեպքում էլ թվային տվյալները բերվել են այլ իրողությունների բացահայտման, անդրադարձի ու քննադատության համատեքստում։ Հետևաբար առնվազն վարչապետի պարագայում կամ Փաշինյանն ինքն է նախընտրել մանիպուլյացիայի գնալ նշված տվյալով, կամ ուղղակի երկրի ղեկավարի սեղանին դրվել են ցանկալի, բայց ոչ իրական թվեր, եթե, իհարկե, որպես իրական ընդունենք ոլորտի մասնագետի գնահատականները։

Եվ սա, ցավալիորեն, եզակի դեպքերից չէ, երբ տարբեր պաշտոնական աղբյուրներում հրապարակվող տվյալներն իրար հետ կապ չունեն, էլ չխոսենք նույնական լինելու մասին։

Հետաքրքրական է՝ որտեղի՞ց կամ ո՞վ է վարչապետին վիճակագրություն հրամցնում․․․