Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Իրական ապակենտրոնացո՞ւմ, թե՞ ինքնանպատակ քայլ, կամ хотели лучше, получилось как всегда…..

 

Համաձայն Պետական եկամուտների կոմիտեի հայտարարության, ընդամենը 2 օրից կգործի Գյումրու ավտոմաքսատունը, որտեղ մաքսազերծման ենթակա կլինեն որոշ տեսակի ավտոտրասպորտային միջոցներ:

Հատկանշական է, որ մաքսատունն իր գործունեությունը կսկսի առանց հիմնական և ավարտուն շենքի, առանց վերջնական և ամբողջողովին շինության: Բացի նշված շենքային պայմաններից, իրականացվելու է միայն որոշ տեսակի տրանսպոտային միջոցների մաքսազերծում, ինչպես նաև միայն սահմանափակ՝ որոշ տեսակի գործառույթներ:

Կառավարության և պաշտոնյաների որոշ կցկտուր հայտարարությունների համաձայն, այս գործընթացի նպատակը ոլորտում գործառույթների ապակենտրոնացումն է, որի մեկնարկը տրվեց վարչապետ Փաշինյանի՝ Երևանում գտնվող մասնագիտացված մաքսատուն այցելության ժամանակ, երբ հանձնարարական եղավ ՊԵԿ նախագահին տեղափոխելու մաքսատունը Գյումրի:

Անկախ նրանից, որ վարչապետի այցի ընթացքում, չնայած ցուցադրած հերթերի, այցելուների և մեքենաների մեծ կուտակումների՝ իր իսկ մասնակցությամբ իրականացված մաքսազերծումը տևեց ընդամենը շուրջ 15 րոպե, այսինքն կարծես թե իրական խդիրներ չկային, այնուամենայնիվ, հանձարարական եղավ մաքսատւնը տեղափոխելու:

Վարչապետի կողմից արձանագրվեցին նաև թերություններ՝ տարածքի ոչ մաքուր վիճակ և ՀՀ դրոշի ոչ պատշաճ վիճակում գտնվելը, որոնց շտկման համար վարչապետի կողմից տրվեցին համապատասան հանձնարարականներ, իսկ դրոշի նշված վիճակում գտնվելու համար պատասխանատվության կանչվեց տվյալ պահին նույն սենյակում գտնվող մաքսային ծառայողը, որին աշխատանքից ազատելու հանձնարարական տվեց վարչապետը և վերջինս հետագայում հեռացավ համակարգից:

Նման երկար նկարագրությունը թերևս անհրաժեշտ չէր լինի, եթե հասու լինեին այլ նախադրյալներ, ծրագրային դրույթներ կամ որդեգրած հանրորեն հայտնի քաղաքականության սկզբունքներ, որոնք հիմք կլինեին հասկանալու, թե իրական ինչ նպատակներ է հետապնդում Գյումրիում նոր մաքսատան կառուցումը:

Խնդիրը նույնիսկ չի պարզվում ՊԵԿ նախագահ Դ. Անանյանի հայտարարութունից հետո, որ Գյումրիում կառուցվում է ոչ միայն մաքսատուն, այլև արտաքին տնտեսական գործունեության սպասարկման կենտրոն։ Մինչ այս կարծես թե կառավարությունը չի հրապարակել որևէ ծրագիր, որտեղ նշված լինի նման նպատակի, խնդրի կամ նախատեսված գործառույթի, ոչ էլ ապակենտրոնացման ընդհանրական քաղաքականության մասին՝ կարճաժամկետ-միջնաժամկետ հեռանկարում:

Այն, որ 2019թ.-ին սովորականից անգամներով մեծ թվով մեքենաներ ներմուծվեցին Հայաստան՝ հերթեր առաջացնելով մաքսատներում և ՃՈ սպասարկման կենտրոններում, փաստ է։ Բայց նոր փոփոխություններ կատարել միայն դրա հիման վրա, այն դեպքում, երբ մեքենաների նման մեծ հոսք հայտնի պատճառներով այլևս չի լինելու 2020թ.-ի սկզբից, կառուցել մաքսատուն, մեղմ ասած, անհասկանալի և անհիմն է թվում:

Պայմանավորված այն իրողությամբ, որ Հայաստանում թե բնակչության, թե տնտեսական ակտիվության գերակշիռ մասը կենտրոնացած է Երևանում, պետության կողմից որևէ գործառույթի տեղափոխումը դրա շահառուների, այսինքն՝ սովորական քաղաքացիների համար կլինի հավելյալ կորուստների և ծախսերի պատճառ: Միաժամանակ, հիմնավոր կլինի պետական կառույցների ապակենտրոնացման և դրան զուգահեռ Հայաստանի ամբողջ տարածքով վերջիններիս կողմից ծառայություննների մատուցման ապահովման գործառույթների իրականացումը հստակ ծրագրի և գիտակցված նպատակների հիման վրա:

Հակառակ դեպքում հերթական անգամ ականատես կլինենք ոչ մտածված, առանց անհրաժեշտ վերլուծությունների և ազդեցության գնահատականների, ինքնանպատակ իրականացվող արհեստական գործողությունների, որոնցից հիմնական տուժողը դարձյալ կլինի Հայաստանի դեռևս հպարտ քաղաքացին կամ արդեն անգրագետ Պողոսը….

Հ.Գ. Հիշեցնենք, որ պետական կառույցների ապակենտրոնացման գաղափարը ոչ մեկ տարի է շրջանառվում, սակայն մինչ օրս միայն Կենտրոնական բանկն է Դիլիջան տեղափոխել իր կառույցներից մեկը: