Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Ծառաստան Հայաստանս․ իսկապե՞ս

 
Այստեղ են աճեցվելու հիմա էլ Աղաջանյանի ասած ծառերը

Ցանկությունները միշտ կարող են բարի լինել, հնարավորությունները՝ սուղ, միտումները՝ ամենադրական, իսկ հայտարարությունները՝ ազնվագույն մղումներով, սակայն երբեմն էլ հարկ է, որ չափ ու սահման ճանաչելի լինի նշված ամեն ինչում։ Երբ որոշակի հայտարարություններ են արվում, խոստումներ տրվում, ցանկալի է դրանք իրագործված տեսնել։ Սակայն երբ ի սկզբանե տրված խոստումն ավելի շուտ գիտա-ֆանտաստիկ ոլորտից է, քան կյանքի ու հատկապես տնտեսության, ապա իրագործելիության տեսանկյունից խղճուկ հեռանկար ունեցող ամեն ինչ ուղղակի լցվում, ընկնում է պոպուլիզմի գիրկը։

Երբ Հայաստանի վարչապետը միլիոնավոր ծառեր տնկելու մասին էր խոսում, առաջին արձագանքը հիանալի զգացողությունն էր, որ վերջապես Հայաստանում այդքան կարևոր են տեսնում կանաչն ու մաքուր օդը, բնությունն ու բնականը։ Սակայն երբ առաջին ոգևորությունն անցավ, տակն առանձնակի բան չմնաց․ հարցը զուտ հաշվարկներն ու մաթեմատիկան էր, որ արագորեն ոչնչացրեց վարչապետական խոստմամբ ծնված ողջ ոգևորությունը։

Եվ այն է, մոռացության գիրկն ուղարկելու ու երազանքի դարակներում պահելու համար քայլեր էին ձեռնարկվում, էն էլ, չէ, վեր կենում ու հիշեցնում են այդ ամենի մասին։

Վարչապետի աշխատակազմի ղեկավար Էդուարդ Աղաջանյանն իր ֆեյսբուքյան էջում այսօր տեղեկացրել էր, որ Շրջակա միջավայրի նախարար Էրիկ Գրիգորյանի հետ քննարկվել են Նորք Մարաշ վարչական շրջանի և Սարի Թաղի հատման կետում գտնվող ամայի տարածքների անտառապատման հնարավորությունները։

«Բոլորդ հավանաբար տեղյակ եք, որ մինչ 90-ականներ այս տեղում սաղարթախիտ անտառ էր, որն էլ երևանցիները կոչում էին «Երևանի Թոքեր»։ Եվ ահա, ուրախ եմ արձանագրել, որ «Երևանի Թոքեր»-ի վերականգնման աշխատանքները շուտով կսկսվեն։ Ըստ պայմանավորվածության՝ այսօր շրջանառության մեջ կդրվի սույն նախագծի նախագծանախահաշվային փաստաթղթերի մշակման համար նախարարությանը գումար հատկացնելու մասին կառավարության որոշման նախագիծ, որով կգնահատվեն տվյալ տարածքում կաթիլային համակարգի ներդրման հնարավորությունն ու դրա ֆինանսական գնահատականը։ Ի դեպ, այս որոշումը պետք է դիտարկել, որպես ՀՀ վարչապետի կողմից հայտարարված 2019 թ.-ին 10 միլիոն ծառերի տնկման ծրագրի մաս», գրառման մեջ նշել է Աղաջանյանը։

Ինչպես ասում են․ ասըված ձայնդ լսի․․․ միայն թե այս անգամ էլ, ու այս հարցում էլ հույսն աստծո վրա դնել պետք չի․․․