Այսօր՝ 2021-11-30 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

The Jerusalem Post. «Իսրայելն այլևս պառճառ չունի Հայոց ցեղասպանությունը չճանաչելու»

 

Իսրայելական «The Jerusalem Post» պարբերականում ծավալուն խմբագրական է հրապարակվել Իսրայելի կողմից Հայոց ցեղասպանությունը ճանաչելու անհրաժեշտության մասին, որում, ըստ regionalmonitor կայքի, նշվել է, որ Իսրայելը այլևս պատճառ չունի Թուրքիայի արձագանքից վախենալու համար, և պետք է հետևի պատգամավորներ Յաիր Լապիդի ու Գիդեոն Սաարի խորհրդին՝ ճանաչի Հայոց ցեղասպանությունը:

Հոդվածում մասնավորապես ասվում է.

«Որպես ցեղասպանությունից հետո ստեղծված պետություն՝ Իսրայելը շատ լավ գիտի, թե ինչ է նշանակում լինել փոքրամասնություն, որը պարբերաբար կոտորածի և ջարդի է ենթարկվել կառավարության կողմից: Ինչպես հայերը, հրեաները նույնպես հարկադրված էին որպես փոքրամասնություն ապրել գերմանացիների կամ լեհերի բռնապետության տակ՝ վայելելով նրանց «պաշտպանությունը», քանի դեռ չսպառնացին պետական շահերին:

ԱՄՆ Ներկայացուցիչների պալատը հոկտեմբերին ճանաչեց Հայոց ցեղասպանությունը, սակայն, դժբախտաբար, Իսրայելը նույն կերպ չի գործում հիմնականում Թուրքիայի նկատմամբ վարած քաղաքականության պատճառով: Հայոց ցեղասպանությունը ճանաչելը՝ ինչպես տարիներ շարունակ փաստարկվել է, կվատթարացնի Թուրքիայի հետ Իսրայելի հարաբերությունները:

Եթե Իսրայելի նախկին իշխանությունները կարող էին խուսափել նմանատիպ իրավիճակում հայտնված փոքրամասնությանը ձեռք մեկնելուց, ապա այժմ հնարավորություն կա այդ սխալներն ուղղելու: Իսրայել-Թուրքիա հարաբերությունները ռեկորդային ցածր մակարդակի են, Թուրքիայի նախագահ Ռեջեփ Թայիփ Էրդողանը շարունակում է Իսրայելի հանդեպ հակասեմական արատավոր արտահայտություններ հնչեցնել, բացի այդ, նա սեպտեմբերին ՄԱԿ-ում Իսրայելը համեմատեց նացիստական Գերմանիայի հետ:

Թուրքիան կարծում է, որ կարող է սպառնալ այլ երկրներին, և այդ երկրները զերծ կմնան Հայոց ցեղասպանությունը ճանաչելուց: Իսրայելը այլևս պատճառ չունի Թուրքիայի արձագանքից վախենալու համար: Եթե ռազմական հակամարտություն չկա, կարո՞ղ է ավելի վատ լինել:

Ժամանակն է, որ Իսրայելը ճիշտ բաներ անի՝ չվերադառնա դեպի Թուրքիա, և այս հարցում պարզեցում մտցնի»:

Regionmonitor.com