Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Թուրքիայի ներկայացրած պատրիարքի ընտրության նոր կանոնադրությունը՝ խնդրահարույց. դատական հայց է ներկայացվել

 

Թուրքիայի ներքին գործերի նախարարությունը սեպտեմբերի 24-ին Պոլսի հայոց պատրիարքարան էր ուղարկել պատրիարքի ընտրության նոր կանոնադրությունը, որով սահմանափակվում էր արտասահմանաբնակ եպիսկոպոսների մասնակցությունը ընտրություններին:

85-րդ պատրիարքի ընտրությունը կազմակերպող Նախաձեռնարկ մարմինը որոշում էր կայացրել չբողոքարկել այս կանոնադրությունը:

Կանոնադրությամբ պարտադրվող սահմանափակումը որոշակի դժգոհություն է ստեղծել պոլսահայ համայնքում: Վերջերս ստեղծված «Հանրային նախաձեռնող խումբը» դատական հայց է ներկայացրել կանոնադրության առնչությամբ: Խումբը այդ մասին հայտարարություն է տարածել՝ նշելով, որ պատրիարքի տեղապահ Սահակ սրբազան Մաշալյանին, Հոգևոր խորհրդի ղեկավար Արամ Աթեշյանին և Նախաձեռնարկ մարմնի անդամներին ուղղված իրենց կոչերը՝ բողոքարկելու կանոնադրության խնդրահարույց կետերը, որևէ արդյունք չեն տվել:

«Բոլորը շարունակեցին մտածել, որ մեր ապագան վտանգելու գնով փրկում են ներկան: Բոլորն ընդունում են, որ այս կանոնադրությունը խնդրահարույց է, սակայն բոլորն էլ պարտվում են աշխարհիկ թուլություններին: Որպեսզի կարողանանք նայել գալիք սերունդների աչքերի մեջ և նրանց ավելի հուսալի ապագա թողնել, իրավական գործընթաց ենք սկսել կանոնադրության և ընտրական գործընթացի դադարեցման համար»,- նշվել է հայտարարության մեջ: