Այսօր՝ 2020-07-10 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Թեման շահարկում են հատկապես այն ուժերը, որոնք ամենամեծ վնասն են հասցրել թեկուզ հենց նույն եկեղեցուն. «Հայոց եկեղեցու պատմություն» առարկայի առնչությամբ

 

«Կրթություն և համերաշխություն» արհմիության նախագահ, պատմաբան, ուսուցիչ Վարհամ Թոքմաջյանն իր ֆեյսբուքյան էջում անդրադարձել է Հայոց եկեղեցու պատմություն առարկայի շուրջը ստեղծված վիճակի մասին:

Ներկայացնում ենք գրառումն ամբողջությամբ:

«Հստակ շարադրեմ իմ տեսակետը վերջին օրերին կրկին քննարկման թեմա դարձած «Հայոց եկեղեցու պատմություն» առարկայի շուրջ:

Մի քանի մոլորություններ.

Ա. Առարկան դեռ չի հանվել դպրոցներից ու մոտ ապագայում չի էլ հանվի: Նման իրավական որոշում չկա:

Բ. «Հայոց եկեղեցու պատմություն» առարկան դարձել է թիրախ». չկա նման բան: Դպրոցական ծրագրերը չափազանց ծանրաբեռնված են: 12-ամյա կրթության անցումից հետո, հաշվի չեն առել սովորողների տարիքային զարգացման առանձնահատկությունները, 21-րդ դարի սովորողի հմտությունները և պահանջմունքները: Տպավորություն է, որ ով ինչ խնդիր ունի, փորձում է լուծել դպրոցի միջոցով:

Գ. 21-րդ դարի հայկական դպրոցում չկա Մեդիագրագիտության դասընթաց, ինչն աբսուրդի ժանրից է:

Դ. Թեման շահարկում են հատկապես այն ուժերը, որոնք ամենամեծ վնասն են հասցրել թեկուզ հենց նույն եկեղեցուն:

Ըստ էության, իմ տեսակետն այս մասով եղել է հստակ առաջին իսկ օրվանից, երբ այս առարկան ներառվել է պարտադիր դասընթացներում: Առանձին դասընթացի կարիք չկա:

Լավ է, որ վարչապետն իր լայվում անդրադառնում է հանրային զգացմունքների հետ խաղացող, երբեմն ծայրահեղ անհանդուրժողական դրսևորումներ ունեցող թեմաներին, սակայն կա մեկ առանցքային խնդիր: Երբ նա ասում է, որ «Հայոց եկեղեցու պատմությունը» պետք է դասավանդվի «Հայոց պատմության» շրջանակներում, ապա տեղյակ չէ, որ արդեն դասավանդվում է: Վատ է, որ նույն միտքն են կրկնում կրթության ոլորտի ներկայացուցիչնրը և վատ է, որ վարչապետին չեն ներկայացրել, որ արդեն դասավանդվում է:

6-րդ դասարանից սկսած, երբ ընթերցեք դպրոցական պատմության դասագրքերը, դուք կտեսնեք այն հագեցվածությունը, որն առկա է եկեղեցուն առնչվող թեմաների մասով:

Այժմ, խուսանավելու, կեղծ օրակարգերին արձագանքելու կամ դրանց առաջ ընկրկելու կարիք բնավ չկա: Ավելի լավ է, այդ հոխորտացողները հստակ պատասխան տան, թե նախկինում ինչպես էին իրենց լեգիտիմության խնդիրը լուծում եկեղեցու միջոցով և ինչու այսչափ խախտվեց պետություն-եկեղեցի սահմանը»: