Այսօր՝ 2021-11-30 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Ժողովրդավար Հայաստանը դրականորեն առանձնանում է տարածաշրջանում․ ԱՄՆ սենատոր․ «Ամերիկայի ձայն»

 

Վաշինգտոնում տեսնում են, որ ժողովրդավար Հայաստանը դրականորեն առանձնանում է իր տարածաշրջանի մյուս երկրներից, «Ամերիկայի Ձայն»-ի հետ զրույցում նշել է Միացյալ Նահանգների սենատոր Ջեք Ռիդը՝ Վաշինգտոնում Հայաստանի խորհրդարանական պատվիրակության հետ հանդիպումից հետո: Նրա խոսքով, հայ-ամերիկյան հարաբերությունները կարեւորագույն նշանակություն ունեն Միացյալ Նահանգների համար:

«Մենք ԱՄՆ-ում ունենք արտառոց հայ համայնք՝ այս երկրի յուրաքանչյուր նահանգի զարգացմանը հայ համայնքն իր նպաստն է բերել եւ բնական է, որ համայնքը հետաքրքրված է նաեւ իր պատմական հայրենիքի բարգավաճմամբ»:

Այսօր, «Թավշյա հեղափոխությունից» հետո կարելի է փաստել, որ Հայաստանն ինչպես նաեւ Միացյալ Նահանգները ժողովրդավարական պետություններ են եւ երկկողմ հարաբերությունները պետք է զարգացնեն հիմնվելով դրա վրա, նշում է սենատորը.

«Ի տարբերություն իր տարածաշրջանի, Հայաստանում մենք տեսնում ենք իրական ժողովրդավարություն եւ մեր կողմից պետք է անենք ամեն բան՝ այդ ժողովրդավարության ամրապնդմանն աջակցելու համար: Դա անելով մենք դրական ազդանշան կուղարկենք նաեւ բազմաթիվ այլ երկրներին»

Խորհրդարանական մեծամասնություն՝ «Իմ քայլը» դաշինքը ներկայացնող Լիլիթ Մակունցը եւ Տաթեւիկ Հայրապետյանը, «Բարգավաճ Հայաստան»-ից Վահե Էնֆիաջյանը, եւ «Լուսավոր Հայաստան»-ից Էդմոն Մարուքյանը Վաշինգտոնում են հայ-ամերիկյան խորհրդարանական բարեկամության խմբի համագործակցության շրջանակներում:

Մենք ուժեղ ենք, երբ աշխատում ենք միասին, հայ խորհրդարանականների հետ հանդիպման ընթացքում նշում է կիբերանվտանգության եւ զինված ուժերի հարցերով զբաղվող հանձնաժողովի անդամ կոնգրեսական Ջիմ Լանգեւինը: Նրա խոսքով, ժողովրդավար Հայաստանն ԱՄՆ-ի հետ համագործակցելու շատ ավելի լայն հեռանկարներ ունի.

«Թե՛ Միացյալ Նահանգները եւ թե՛ Հայաստանը ժողովրդավար պետություններ են այսօր, որտեղ քաղաքացիներն օգտվում են ազատ կամաարտահայտման իրավունքից, իսկ ժողովրդավար երկրները զարգանում են»:

ԱՄՆ-ի մայրաքաղաքում քննարկվող համագործակցության ուղղությունները բազմազան են՝ կիբերանվտանգությունից մինչեւ քաղաքական հարաբերությունների խորացման հեռանկարներ: Միջազգային հանրապետական ինստիտուտում մասնավորապես քննարկվել են թափանցիկ կառավարման զարգացման հարցերը, «Ամերիկայի Ձայն»-ին պատմում է ինստիտուտի նախագահ Դոկտոր Դենիել Թվինինգը.

«Ժողովրդավարության զարգացման իրական աշխատանքը Հայաստանում սկսվել է «Թավշյա հեղափոխությունից» հետո միայն, երբ քաղաքացիները իրականում հնարավորություն ստացան հասցնել իրենց պահանջները իշխանություններին»:

Հայ խորհրդարանականներն այցով Կոնգրեսում են շատերի կողմից պատմական համարվող ժամանակաշրջանում: Այս շաբաթ Ներկայացուցիչների պալատում սկսվել են նախագահ Թրամփի պաշտոնանկության գործընթացի բաց լսումները: Չնայած գերզբաղված ժամանակացույցի, սենատոր Էդ Մարքին հայկական պատվիրակության հետ քննարկեց արտաքին ոլորտում հայ-ամերիկյան համագործակցության հեռանկարները.

«Ես նաեւ ջանք չեմ խնայելու, որպեսզի մենք կարողանանք նաեւ ԱՄՆ-ի Սենատում անցկացնել Հայոց ցեղասպանությունը ճանաչող բանաձեւ հենց այս տարի»: