Այսօր՝ 2020-06-01 | RSS | FACEBOOK

2019-11-19 10:16:17 2020-01-15 11:02:47 2017-10-20 12:23:59 2018-03-16 10:48:17 2019-01-16 10:09:19 2017-09-02 12:20:34 2019-11-20 11:06:50 2019-11-19 09:27:18 2019-11-13 11:40:48 2019-11-21 09:15:52 2020-01-23 08:14:55 2020-01-16 10:27:17

Հայ գաղտնի բանակի քաղաքական ղեկավարությունը կոչ է անում զերծ մնալ անհարիր քայլերից ու ելույթներից

 

Հայաստանի Ազատագրութեան Հայ Գաղտնի Բանակի Բովանդակ Հայաստանի Քաղաքական Ղեկավարութիւնը, կազմակերպութեան հիմնարար առաքելութիւնը՝ ազգային - ազատագրական պայքարի նպատակներու իրականացման երթը վերահունաւորելու եւ այդ ուղղութեամբ աշխատանքները վերասահմանելու մտադրութեամբ, տարեսկիզբին գումարած արտահերթ նիստի ընթացքին, ձեռնամուխ եղաւ կազմակերպչական խորքային ու համապարփակ վերափոխումներու գործընթացին:

Բոլոր անոնք, որոնք այդ վերափոխումներու արդիւնքով մեկուսացուեցան, պէտք է անյապաղ ենթարկուին ղեկավարութեան կողմէ ըստ կանոնադրութեան կայացուած տնօրինումներուն, եւ զերծ մնան հրապարակային ջղագրգիռ ու անոպայ ելոյթներէ, արարքներէ եւ հակակազմակերպչական քայլերէ, որոնց հնարաւոր հետեւանքներուն մասին շատ լաւ տեղեկացուած են:

Մեր շարքերը կուռ ու միասնական, վերանորոգ հաւատքով եւ անսասան կամքով լծուած են կազմակերպութեան վերակառուցման ու վերանորոգման պատուաբեր գործին, եւ չունին՝ ո՛չ ժամանակ, ո՛չ ցանկութիւն, ո՛չ ալ մասնագիտական որակներ, զբաղուելու համար հոգեկան խախտումներով տառապող մեկուսացուած տարրերու ջղաձգումներով, որոնք ազգային եւ հոգեւոր կառոյցներու դէմ շղթայազերծած «խաչակրական» արշաւանքներուն զուգահեռ, հիմա ալ կը փորձեն ազգային - ազատագրական պայքարի համար ստեղծուած կազմակերպութիւնը շեղել իր հիմնական նպատակներէն ու առաքելութենէն:

21 Յունուար 2020

Հայաստանի Ազատագրութեան Հայ Գաղտնի Բանակ

Բովանդակ Հայաստանի Քաղաքական Ղեկավարութիւն

Մամլոյ Դիւան