«Համոզված եմ, որ հարգարժան գիտնականին մոլորեցրել են նպատակադրված․Լուսինե Ավանեսյան․artsakhpress.am

ՍՏԵՓԱՆԱԿԵՐՏ, հունիսի 24, ԱՐՑԱԽՊՐԵՍ:«Արցախպրես»֊ի հարցմանն ի պատասխան՝ այս մասին ասել է ԱՀ նախագահի մամուլի խոսնակ Լուսինե Ավանեսյանը՝ անդրադառնալով բանասեր, պետական գործիչ Սերժիկ Սրապիոնյանի՝ նախօրեին հայկական մամուլում արած հայտարարությանը, ըստ որի՝ Արցախի Հանրապետության նախագահ Արայիկ Հարությունյանը, իբր, 200հա հողատարածք է գնել ՀՀ Արմավիրի մարզի Զարթոնք գյուղի վարչական տարածքում։

«Համոզված եմ, որ հարգարժան գիտնականին մոլորեցրել են նպատակադրված: Ո՛չ Արմավիրի մարզի Զարթոնք գյուղում և ո՛չ էլ դրա մերձակայքում Արցախի նախագահը որևէ սեփականություն չունի և, բնականաբար, չէր կարող որևէ մեկին զրկել իր անասունները արածեցնելու հնարավորությունից Զարթոնքի հարևանությամբ գտնվող որևէ տարածքում: Նախագահը միանում է պարոն Սրապիոնյանի պահանջին՝ գնալ, քննել և տեսնել, թե ով է իրականում գնել, զավթել գյուղացիների հողը, որովհետև տվյալ դեպքում հակաարցախյան տրամադրություններ բորբոքելու ակնհայտ միտում է նկատվում:

Նյութն ամբողջական կարող եք գտնել սկզբնաղբյուր կայքում