Այսօր՝ 2021-12-04 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Գերիներին առանց աղմուկի բերեք․Մնացական Բիչախչյան

 

Նախ գերիներին առանց աղմուկի բերեք, մի նկարեք: Հետո պետք չէ այսքան խորացնել քննարկումները նրանց շուրջ: Այս մասին գրում է ֆեյսբուքյան իր էջում Ոստիկանության Անձնագրերի և վիզաների վարչության նախկին պետ ՝ Մնացական Բիչախչյանը։

Նրանք երեխաներ, հարազատներ ունեն: Նրանցից ով է հերոս, անձնուրաց ու խիզախ մարտիկ, ժամանակը կտա գնահատականը: Բայց նրանց սպասող երեխաների ապրումները վերջ դնելու փոխարեն, ծայրահեղ տարբեր քննարկումներով ավելի ենք խորացնում:

Ախր նրանց հարազատների սպասման ամեն մի րոպեն դժոխային է եղել, անկախ նրանից գերի ընկնողն ով է:

Մի կողմից ասում են ինչի Արցախից գերի չկա, մյուս կողմից՝ արցախցին գերի չէր ընկնի, իրեն կպայթացներ: Գիտեք մեր ցավն ինչումն է, իրար հանդեպ ատելության վարպետ ենք, հարկ եղած դեպքում էլ գիտության նոր ճյուղ կհիմնենք՝ «ատելագիտություն»: Էս թեզը հնանա սկսելու ենք ապարանցի քանի գերի ընկավ, երևանցի, կապանցի քանի և շարունակ: Մենք ամբողջ կյանքերս գերի ենք մեր պատրանքներին, մենք գերի ենք ինքներս մեզ: Երբ մենք ազատենք ինքներս մեզ մեր ստեղծած գերությունից, ուժեղ կլինենք ու միասնական: