Այսօր՝ 2021-10-21 | RSS | FACEBOOK

2021-07-08 10:08:06 2021-07-01 08:06:30 2017-10-20 12:23:59 2021-06-21 09:15:55 2019-01-16 10:09:19 2017-09-02 12:20:34 2021-07-09 08:20:34 2019-11-19 09:27:18 2021-07-09 09:25:21 2019-11-21 09:15:52 2021-07-09 08:55:31 2021-07-08 08:41:56

Ցավով եմ նայում՝ ինչպես է երբեմնի Նժդեհյան գաղափարախոսության հիմքով ստեղծված կուսակցությունը վերածվել դասական «մուտիլովչիկների» հավաքածուի

 

ՀՀ ԱԺ «Լուսավոր Հայաստան» խմբակցության քարտուղար Գևորգ Գիորգիսյանը ֆեսյբուքյան էջում գրում է․

Ցավով եմ նայում՝ ինչպես է երբեմնի Նժդեհյան գաղափարախոսության հիմքով ստեղծված կուսակցությունը վերածվել դասական «մուտիլովչիկների» հավաքածուի։

Մարդիկ տարիներ շարունակ Արցախ գոռալով իշխանության են եղել ու իրենց ամեն մի սրիկայություն արդարացրել են Արցախով՝ այդպես էլ չշենացնելով Արցախը։ Հիմա էլ, Շուշի ու Հադրութ գոռալով դարձել են խորհրդարանական ընդդիմություն, բայց չեն հասկացել, որ դարձել են Նիկոլ Փաշինյանի քաղաքական ուժի ընդդիմություն ու շարունակում են կռիվ տալ Լուսավոր Հայաստանի դեմ։ Արմատական ընդդիմություն դառնալու խոստումներ տվողները լուծեցին մի քանի հոգու անձեռնմխելիության հարց ու վախենում են որևէ կերպ անդրադառնալ Փաշինյանին կամ նրա վարած քաղաքականությանը։

Այսօր ՀՀԿ-ն հանկարծ հիշել է, որ երկրին պետք են Գյուղատնտեսության, Մշակույթի և Սփյուռքի նախարարություններ։

Իսկ երբ Լուսավոր Հայաստանը 2019թ․ մարտ ամսին կռիվ էր տալիս՝ պահպանելու գյուղատնտեսության և մշակույթի նախարարությունները և առաջարկում էր ունենալ փոխվարչապետ՝ Սփյուռքի հետ կապերի եւ հայրենադարձության հարցերով, ՀՀԿ-ում գերեզմանային լռություն էր (թերևս միայն ՀՅԴ-ն արձագանքեց մեր այս առաջարկին)։ Կից տեղադրում եմ նկար և հղում․ https://youtu.be/92gp1-H9joc ։

Նշեմ նաև, որ ՀՀ Սահմանադրության և կառավարության կառուցվածքի փոփոխությունների մասին նշված էր ԼՀԿ նախընտրական բուկլետում՝ առաջին կետով (Կից տեղադրում եմ նկարը)։

Պարզվում է նաև, որ իրենց փորձառու քաղաքական գործիչ համարողները չեն տարբերում կուսակցության քաղաքական ծրագիրը նախընտրական ծրագրից կամ չեն ուզում տարբերել. իրականում նրանք պարզապես փորձառու մանիպուլյատորներ են։

Հ․Գ․ Հայաստանում խորհրդարանական ընդդիմությունը երբեք այսքան սնանկ չէր եղել։